Lifestyle

Me kokrra gruri e fara, artisti shqiptar krijon portretin e Joe Biden (FOTOT)

Autori: Gazeta inFokus 13:34 | 19 January 2021

Në javën përpara ceremonisë së tij të betimit, një artist nga Kosova ka krijuar portretin e presidentit të zgjedhur të Shteteve të Bashkuara të Amerikës, Joe Biden duke përdorur kokrra gruri dhe fara.

Euronews thotë se Alkent Pozhegu përdori për realizimin e veprës së tij plot 120 kilogramë grurë, misër, fasule, fara luledielli dhe oriz.

“Shpresoj që me kalimin e kohës të bëj diçka shumë më të madhe sepse Biden, e meriton vërtet. Ai ka qenë një kontribues i madh në ndihmën e ndërtimit të shtetit të Republikës së Kosovës,”–është shprehur artisti. Pozhegu punoi për ditë të tëra në qendrën kulturore të Gjakovës për të përgatitur portretin me përmasa tre metra me 2.5.

-Advertisement-

Biden është mjaft i njohur në Kosovë, ku në vitin 2016 emri i djalit të tij të ndjerë, Beau iu vendos një rruge pranë kampit ushtarak të Bondsteel. Beau, që ndërroi jetën 6 janarin e 2015-tës nga kanceri, kishte punuar në Kosovën e pasluftës nga viti 1998 deri në 1999 pas luftës, duke ndihmuar në trajnimin e prokurorëve dhe gjykatësve vendas për organizatën për siguri dhe bashkëpunim në Europë.

Subscribe në YouTube: GAZETA INFOKUSI
Etiketa:

Të tjera

Fokusi

lifestyle