Lajme

Me fjalimin historik të Bill Clinton, Osmani kujton bombardimet e NATO-s: Faleminderit përjetë

Autori: Gazeta inFokus 11:20 | 24 March 2023

Presidentja e Kosovës, Vjosa Osmani, ka përkujtuar ndërhyrjen e NATO-s në 24 vjetorin e bombardimeve kundër forcave ushtarake e policore të Serbisë.

Osmani duke publikuar edhe fjalimin e mbajtur nga atëherë presidenti i ShBA-së, Bill Clinton, ka thënë se kjo ishta dita kur bota demokratike ndaloi shfarosjen e popullit të Kosovës.

“24 vite që kur bota demokratike ndaloi shfarosjen e popullit tonë. Faleminderit përjetësisht”, shkruan Osmani bashkangjitur me videon e fjalimit të Clinton.

-Advertisement-

Kujtojmë që sot shënohet 24-vjetori i fillimit të sulmeve të NATO-s ndaj caqeve ushtarake policore serbe. 24 vjet më parë NATO ndërhyri për të ndaluar gjenocidin e vazhdueshëm të kryer kundër popullit të Kosovës.

Më 24 mars bëhen 24 vjet nga fillimi i sulmeve ajrore të Aleancës Veri-Atlantike kundër caqeve ushtarake policore në ish-Jugosllavi.

Pas 78-ditësh të sulmeve, bombardimet janë ndërprerë më 10 qershor 1999, me miratimin e Rezolutës 1244 të Këshillit të Sigurimit të Kombeve të Bashkuara. Ndërhyrja e NATO-s në Kosovë, kishte mundësuar edhe kthimin në shtëpitë e tyre të më shumë se 800 mijë refugjatëve, personave të zhvendosur brenda dhe jashtë Kosovës./Gazeta Infokus/

Subscribe në YouTube: GAZETA INFOKUSI
BKT Kosova lanson Kredinë për Ekonominë Qarkore – e para dhe e vetmja e këtij lloji në Kosovë
-Advertisement-

Të tjera

Fokusi

lajme