Lajme

Me dorëheqjen e Zaevit dorëhiqet e gjithë qeveria në Maqedoninë e Veriut

Autori: Gazeta inFokus 09:38 | 01 November 2021

Dorëheqja e djeshme e kryeministrit Zoran Zaev në fakt nënkupton dorëheqjen e gjithë qeverisë. Sipas nenit 93 të Kushtetutës, tani Zaev do të duhet të informojë me shkrim kryetarin e Kuvendit, e më pas të vijojë procedura për zgjedhjen e qeverisë së re.

Në nenin 93 të Kushtetutës së Maqedonisë thuhet se “… dorëheqja e kryeministrit, vdekja ose paaftësia e përhershme e tij për të kryer funksionin, sjellin dorëheqjen e Qeverisë… Një qeveri që ka marrë votëbesimin, që ka dhënë dorëheqjen apo që i është ndërprerë mandati për shkak të shpërndarjes së Kuvendit, qëndron në detyrë deri në zgjedhjen e qeverisë së re”.

Pra, zyrtarisht dhe ligjërisht, Kryeministri dhe Qeveria aktuale vazhdojnë të punojnë derisa Kreu i Shtetit t’ia besojë mandatin për përbërjen e Qeverisë kandidatit të partisë, pra partive që kanë shumicën në Kuvend. Më pas, mandatari i ri për Kryeministër, në afat prej 20 ditësh nga dita e besimit të mandatit, duhet të paraqesë një program në Kuvend dhe të propozojë përbërjen e Qeverisë.

-Advertisement-

Pas rezultateve të djeshme nga raundi i dytë i zgjedhjeve lokale dhe humbjes bindëse të kandidatëve të LSDM-së, Zoran Zaev dha dorëheqjen si nga posti i kryeministrit ashtu edhe nga kryesia e LSDM-së.

“Unë marr përgjegjësi për veten time. Jap dorëheqje nga kryeministër dhe kryetar i LSDM-së. I përgëzoj të gjithë qytetarët përparimtarë që luftuan fort për Maqedoninë e Veriut të integruar”, tha Zaev mbrëmë.

Ai shtoi se shumica parlamentare është stabile dhe se pret që edhe të rritet, se mandati për përbërjen e qeverisë së re mbetet në duart e LSDM-së dhe se mandati katërvjeçar i koalicionit me BDI-në duhet të përfundojë.

“Nuk ka nevojë për zgjedhje të parakohshme parlamentare”, tha mbrëmë Zaev.

Krerët e partive opozitare tashmë po shpallin një shumicë të re parlamentare, një qeveri të re dhe zgjedhje të parakohshme parlamentare.

 

Subscribe në YouTube: GAZETA INFOKUSI
Etiketa:
BKT Kosova vlerësohet për herë të tretë "Banka e Vitit 2023 në Kosovë" nga The Banker
-Advertisement-

Të tjera

Fokusi

lajme