“Me çu djalin në shkollë e me të ardhë me arkivol nuk ish lehtë”, babai i 17-vjeçarit rrëfen për rastin e rëndë në Gllogjan
Autori: Gazeta inFokus
19:50 | 22 December 2023
Beqë Hamzaj, babai i 17-vjeçarit L.H, njëri prej tre të vrarëve në Gllogjan, në seancën e së premtes, në cilësinë e dëmtuarit ka rrëfyer se si ka shkuar në vendin e ngjarjes dhe e ka gjetur të birin të vrarë në autobus.
Për këtë rast, Kastriot, Kreshnik dhe Halil Mehmetaj po akuzohen se më 26 nëntor 2021, të shtyrë nga hakmarrja e paskurpullt, privojnë nga jeta tre persona, dy prej tyre fëmijë.
“Me çu djalin në shkollë e met ardh me arkivol nuk ish lehtë”, ka thënë i dëmtuari Hamzaj, raporton “Betimi për Drejtësi”.
I tha se në natën kritike kishte marrë telefonatë nga djali i tij, i cili i kishte thënë se është duke u kthyer për në shtëpi dhe se nuk vonohet shumë.
Sipas dëshmitarit Hamzaj, atë natë djali i tij i ndjerë ishte vonuar dhe kur e ka parë orën 18:55 minuta ka provuar ta thërras në telefon, por që iu kishte lajmërua një djalë tjetër i cili i ka treguar se kanë gjuajtur me armë në autobus dhe i kishte thënë të shkonte në vendin e ngjarjes.
Tutje, ai tha se ishte i pari ai që kishte mbërri në vendin tek autobusit, dhe afër dritareve të autobusit kishte filluar që të thërriste emrin e djalit të tij, mirëpo pa përgjigje nga i njëjti. Në atë moment ai tha se e ka ditur që ose është plagosur ose kishte vdekur.
Në ato moment ai tha se ishte ardhur Mustaf Selmanaj dhe Zeqë Manaj dhe e kanë marrë djalin e tij dhe e kanë futur në veturë të policisë, ku tani i ndjeri kishte pasur edhe pak shenja të jetës.
Ai tha se pas dërgimit të tij në emergjencë në Deçan, të njëjtin e kishin nisur për në Spitalin e Pejës, ku pasi që kishin arritur aty pa gjysmë ore kishin ndërruar jetë.
Më pas dëshmitarit Hamazaj i janë prezantuar disa nga pamjet ku tregohej skica e një pjese të Gllogjanit. Ai tha se lagjja ku është gjetur autobusi quhet “Mahalla e Epërme”, ku sipas tij, prona afër e cila ishte shigjetuar nga prokuroria është pronë e Mehmetajve.
Tutje, dëshmitari Hamzaj tha se me të akuzuarin Halil Mehmetaj, ishin shokë të mirë, duke shtuar se kur i kishte ndodhur rasti me vajzën e tyre ishte shkuar si një fëmijë dhe se i njëjti kishte marrë pjesë në varrimin e vajzës së Halilit.
Atë ditë, dëshmitari tha se i akuzuari Halil kishte qenë i qetë, por se tregoi se gjatë ceremonisë së varrimit i njëjti e kishte hequr nga dora orën e tij dhe e kishte future në arkivolin e vajzës së tij të ndjerë.
“Kjo për do sheja tregon si do të marr hak për qikë, këtë e kam dëgjuar nga të moçmit”, tha dëshmitari Hamzaj.
Tutje, ai tha se në natën kritike përgjatë kohës kur ishin në spital djali i tij i ndjerë dhe të tjetër, kishin ardhur shumë persona por jo edhe i akuzuari Halili apo ndonjëri nga djemtë e tij.
I njëjti tha se natën kritike pasi që janë kthyer në shtëpi nga spitali, shumë nga persona nga fshati kishin filluar t’i shkonin në shtëpi, ndërkohë kishte ardhur edhe i akuzuari Halil.
“Po ia ndoj menen se kurrë një minutë në një vend nuk rrike, as s’ka mujt mua as vëllezërve me thonë se a u mërzitët. Çka u bo e tek, pas 5 minuta ka ndenjur dhe u qu u dalë, edhe u kthy prap qashtu i maskum. Kur na vishin dekt ky u kon orator ka qenë i qelur…”, ka rrëfyer Hamzaj.
Tutje, ai tha se i akuzuari Halili atë natë dhe më pas nuk ishte më për vizitë.
Për këto dyshime tha se i ka biseduar me vëllezërit e tij, duke shtuar se dëshironte që këtë punë t’ia lë drejtësisë.
“Se këta Halil Mehmeti me djem i ka vra, se vëllezërit e mi e kanë përjetu edhe ma rëndë se unë”, tha ai.
Pas ditës kritike, dëshmitari tha se raporti mes tij dhe të akuzuarit Halil kishte ndryshuar, duke mos komunikuar më.
Dëshmitari Hamzaj, për të akuzuarin Halil tha se e mbante revolen që nga koha kur vajza e tij kishte bërë vetëvrasje, dhe këtë sipas tij e kishin ditur i gjithë fshati.
Sipas aktakuzës së ngritur më 5 maj 2023 nga Prokuroria Themelore në Pejë, të pandehurit Halil, Kastriot dhe Kreshnik Mehmetaj, ngarkohen se më 26 nëntor 2021, në fshatin Gllogjan, Komuna e Deçanit, saktësisht në rrugën “Ismajl Haradinaj”, të shtyrë nga hakmarrja e paskrupullt, në marrëveshje e bashkëveprim me njëri-tjetrin, privojnë nga jeta tre persona, dy prej tyre të cilët ishin fëmijë. Detajet nga aktakuza mund t’i gjeni: KËTU.
![](https://gazetainfokus.com/wp-content/uploads/2024/02/shkolla-finlandeze-impact-780x4391-1.jpg)
Të tjera
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...
-
Bulliqi i kundërpërgjigjet Hysenit të LDK-së: Je një mjeran politik
Kryetari i Komunës së Podujevës, Shpejtim Bulliqi, i është kundërpërgjigjur a...
-
Qendra për menaxhim kufitar del me njoftim pas hapjes së pikave kufitare
Qendra për menaxhim kombëtar ka njoftuar se janë hapur për qarkullim pikat ku...
-
Selmanaj i drejtohet Osmanit e Gërvallës: Ju guxuat të shanit LDK’në, por nuk guxuat të bëni zë kur Kurti ua shuajti partinë
Pas pranisë së kryeministrit Albin Kurti në inagurimin e shtatores së ish...
-
Sveçla: Serbia në panik, “shkolla ruse” për destabilizim të Kosovës e rajonit po dështon
Ministri i Punëve të Brendshme, Xhelal Sveçla, ka thënë se Serbisë është ...
-
Tahiri pas inaugurimit të shtatores së Ibrahim Rugovës: Lideri që nuk u lëkund, duke mbetur i përkushtuar ndaj një Kosove të lirë
Deputeti i AAK’së, Besnik Tahiri në rastin e ceremonisë së vendosjes së s...