Më 9 maj Rusia mund “t’i shpallë” luftë Ukrainës, Putin mund edhe t’i pezullojë zgjedhjet
Autori: Gazeta inFokus 12:30 | 04 May 2022
Data 9 maj, në Rusi është e njohur si “Dita e Fitores”, e cila përkujton humbjen e nazistëve më 1945.
Kjo ditë shënohet nga një paradë ushtarake në Moskë, ku liderët rusë tradicionalisht qëndrojnë mbi varrin e Vladimir Leninit, në Sheshin e Kuq.
Këtë datë, zyrtarë perëndimorë kanë besuar prej kohesh se presidenti rus, Vladimir Putin, do ta përdorë rëndësinë simbolike dhe vlerën propagandistike të kësaj date për të shpallur ose një arritje ushtarake në Ukrainë ose një përshkallëzim të madh ose edhe të dyja, shkruan CNN, transmeton Klankosova.tv.
Putin, ka një nuhatje të mirë për simbolizmin, pasi ka nisur pushtimin e Ukrainës një ditës pas “Ditës së Mbrojtësit të Atdheut”, e cila është një tjetër ditë ushtarake me rëndësi në Rusi.
Për sa i përket vazhdimit të mobilizimit, Putin ka shumë opsione në tryezë, sipas analistit të lartë për Rusinë në “Crisis Group”, Oleg Ignatov.
Ndërkohë, presidenti ukrainas Volodymyr Zelensky, i cili nuk i ka shpallur zyrtarisht luftë Rusisë, vendosi ligjin ushtarak në Ukrainë kur filloi pushtimi rus në fund të shkurtit.
Një opsion tjetër për Putinin është të miratojë ligjin e mobilizimit të Rusisë, i cili mund të përdoret për të filluar një mobilizim të përgjithshëm ose të pjesshëm ushtarak “në rastet e agresionit kundër Federatës Ruse ose një kërcënimi të drejtpërdrejtë agresioni, shpërthimi i konflikteve të armatosura të drejtuara kundër Federatës Ruse”.
Kjo do t’i lejonte qeverisë jo vetëm të grumbullonte trupa, por edhe të vendoste ekonominë e vendit në një bazë lufte.
Forcat ruse në bazë të statistikave kanë humbur të paktën 15 mijë ushtarë që nga fillimi i luftës dhe do të nevojiten përforcime nëse Moska dëshiron të arrijë qëllimet e saj në Ukrainë.
Ignatov tutje tha se mobilizimi mund të nënkuptojë zgjatjen e rekrutimit për ushtarët aktualisht në forcat e armatosura, thirrjen e rezervistëve ose sjelljen e burrave të moshës luftarake që kanë pasur stërvitje ushtarake.
“Kjo do të ndryshonte të gjithë narrativën e Kremlinit,” tha Ignatov, duke shtuar se këto masa do ta detyronin Putinin të pranonte se pushtimi i Ukrainës nuk ka shkuar sipas planit.
“Është një vendim shumë i rrezikshëm,” shtoi Ignatov, duke shpjeguar se mobilizimi në shkallë të plotë do të dëmtonte gjithashtu ekonominë ruse.
Këto lëvizje të Putinit, mund ta zvogëlojnë mbështetjen për të në Rusi, pasi disa rusë mbështesin pushtimin e Ukrainës, por pa dashur të shkojnë personalisht në luftë.
“Mund të jetë ende e mundur që Putini të miratojë ligjin e mobilizimit pa i shpallur zyrtarisht luftë Ukrainës”, tha Ignatov.
Më tej, Ignatov si mundësi e sheh edhe vendosjen e ligjit ushtarak në Rusi nga Putini, duke pezulluar kështu zgjedhjet dhe duke e përqendruar pushtetin edhe më në duart e tij.
Ligji ushtarak do të vendoste rregulla të tilla si kufizime për burrat në moshë luftarake që largohen nga vendi, të cilat gjithashtu mund të rezultojnë jopopullore, shtoi Ignatov.
Për analistin Ignatov, opsione të tjera përfshijnë aneksimin e territoreve të shkëputura të Luhanskut dhe Donetskut në Ukrainën lindore, duke bërë një shtytje të madhe për Odesën në jug, ose shpalljen e kontrollit të plotë mbi qytetin port jugor të Mariupolit.
Të tjera
-
Vasfije Krasniqi: Çdo ditë e kujtoj tmęrrin që më ndodhi nga forcat serbe
Vasfije Krasniqi Goodman është kthyer në një grua simbol dhe heroinë për shum...
-
Ngjarjet e datës 24 prill
UBT organizon Konferencën Ndërkombëtare “Building Sustainable IoT Ecosystems”...
-
Kurti flet për telefonatën me Macron, shpreson se Franca do ta mbështes anëtarësimin në KiE pa Asociacionin
Kryeministri i vendit Albin Kurti në një bisedë telefonike të zhvilluar me pr...
-
Dita e Turqve, Konjufca: Ky komunitet shtetin tonë e përjeton si të vetin
Kryetari i kuvendit, Glauk Konjufca, në organizimin për nder të Ditës Kombëta...
-
Kurti në Panairin e Hanoverit, e quan historike pjesëmarrjen e parë të Kosovës
Kryeministri i Kosovës, Albin Kurti, ka vizituar Panairin e Hanoverit “20...
-
Pasuria e Vjosa Osmanit – Baton Haxhiu: Ajo e Prindoni duan të ikim në Australi
Gazetari Baton Haxhiu teksa po diskutonte pasurinë e presidentes Osmani në Pr...
-
Gjuajtje me ąrmë zjąrri në Hajvali, policia jep detaje
Gjuajtje me armë zjarri janë raportuar të kenë ndodhur sot rreth orës 17:00 ...
-
Abdixhiku për raportin e DASH: Dëshmi e shqetësimeve të LDK-së
Kryetari i Lidhjes Demokratike të Kosovës, Lumir Abdixhiku raportin e Depart...
-
Kroacia mbështet hyrjen e Kosovës dhe Shqipërisë në BE
Kroacia mbështet hyrjen e Kosovës dhe Shqipërisë në Bashkimin Evropian. Kë...
-
Për fjalimin në KS të OKB “Nënat e Srebrenicës” e falënderojnë Osmanin: Do të mbahet mend
Organizata “Nënat e Srebrenicës” me bazë në Bosnje e ka falënderuar president...
-
Nagavci mirëpret vendimin për pezullimin nga puna të Xhevat Krasniqit
Ministrja e Arsimit, Arbërie Negavci, ka reaguar pasi profesori Xhevat Krasni...
-
Macron telefonon Kurtin, bën thirrje për zbatimin e marrëveshjeve ndërsa anëtarësimin në KiE e lidh me Asociacionin
Kryeministri i Kosovës, Albin Kurti ka pranuar një telefonatë nga Presidenti ...