Lajme

Më 28 prill seanca e radhës e Kuvendit, diskutohet sërish për formimin e Komisionit Hetimor

Autori: Gazeta inFokus 13:27 | 21 April 2022

Shefja e Grupit Parlamentar të Lëvizjes Vetëvendosje, Mimoza Kusari-Lila, njoftoi sot pas mbledhjes së Kryesisë së Kuvendit se seanca e radhës do të mbahet më 28 prill.

Në këtë seancë ajo tha se përveç pikave të zakonshme të rendit të ditës, do të diskutohet edhe për formimin e Komisionit Hetimor Parlamentar.

Për formimin e tij Kusari-Lila tha se ekzistojnë dy forma në të cilat mund të procedohet tutje.

-Advertisement-

“E para, mund të tërhiqen nënshkrimet e njërit grup parlamentar, në këtë rast AAK-së me nënshkrime më pak, dhe të merren nënshkrimet e Listës Serbe apo të tërhiqet krejtësisht kërkesa dhe të procedohet i njërit grup parlamentar të opozitës dhe të votohet në atë përmbajtje. Në formacionin aktual si është dorëzuar, bllokohet formimi i këtij komisioni, siç ka ndodhur edhe më herët”, u shpreh ajo para mediave.

Kusari-Lila foli edhe për misionin e UNMIK-ut duke thënë se i ka tej-skaduar afati, shkruan Telegrafi.

“Kosova është vend i pavarur dhe sovran. Por, vendimi duhet të merret nga Këshilli i Sigurimit në OKB e aty janë Rusia dhe Kina që do të kundërshtonin një propozim të tillë. Por, funksionimi i UNMIK-ut nuk ka më asnjë efekt përmbajtjesor”.

Subscribe në YouTube: GAZETA INFOKUSI
Prince Caffe pjesëmarrës në panairin “Gulfood Fair 2024” në Dubai

Të tjera