Lajme

Më 15 shkurt, seancë përgatitore në rastin “Thaçi e të tjerët”

Autori: Gazeta inFokus 12:12 | 10 February 2023

Në çështjen gjyqësore “Thaçi dhe të tjerët”, kryetarja e Dhomave të Specializuara të Kosovës në Hagë, Ekaterina Trendafilova, më 3 shkurt, caktoi Panelin e Gjykatës së Apelit.

Ky panel duhët të vendos mbi apelin e ndërmjetëm të dorëzuar nga Mbrojtësi i Viktimave.

Bazuar në Rregullore, personat që dorëzojnë kërkesë për të marrë pjesë në proces si viktima pjesëmarrëse dhe u është rrëzuar kërkesa, kanë të drejtë ta apelojnë vendimin.

-Advertisement-

Paneli i Gjykatës së Apelit përbëhet nga gjykatësit Mishelë Pikar, Emilio Gati dhe Kai Ambos. Paneli miratoi kërkesën e Mbrojtësit për zgjatjen e afatit për dorëzimin e apelit të përbashkët për të gjithë grupin e personave që u është refuzuar kërkesa, pasi kjodo ta përshpejtonte procesin.

Paneli caktoi si afat për apelin, 15 shkurtin ose shtatë ditë pasi parashtruesit e refuzuar të jenë njoftuar për vendimin e Gjykatësit të Procedurës Paraprake, cilado datë që është e mëvonshme.

Konferenca përgatitore për Prokurorinë në këtë çështje gjyqësore është planifikuar për datën 15 shkurt, në orën 9:30./RTK

Subscribe në YouTube: GAZETA INFOKUSI