Sport

McGregor sërish në kafaz në UFC-239, ja data dhe rivali

Autori: Gazeta inFokus 15:20 | 01 March 2019

Rikthimi në kafaz i Conor McGregor pritet të ndodhë më 6 korrik, në eventin UFC-239 që do të zhvillohet në Las Vegas. Lajmin e ka konfirmuar rivali i tij i ardhshëm, Donald Cerrone, përmes një postimi “quiz” në rrjetet sociale.

Cerrone ka postuar një foto ku janë pranë njëri-tjetrit shishja e tij e preferuar e birrës “budweiser” dhe whiski “proper twelfe” që prodhohet nga irlandezi. Hera e fundit që McGregor ka garuar në kafaz është eventi UFC-229, ndaj Khabib Nurmagomedov, ku dështoi të rimerrte titullin kampion bote të peshës së lehtë.

Pas incidentit që u krijua pas atij eventi, McGregor u pezullua 6 muaj nga Komisioni i Sportit në Nevada dhe pas 6 marsit do të jetë i lirë të rikthehet të duelojë. Kjo nuk është hera e parë që përflitet se këta dy sportistë e kampionë të arteve marciale mikse do të përballen mes tyre, në një duel të madh.

-Advertisement-

Cerrone, 35 vjeç, vjen nga dy fitore radhazi (e fundit në janar të këtij viti), ndërkohë që në karrierën e tij numëron 35 fitore, 11 humbje dhe 1 duel pa rezultat në UFC. Ndërsa Conor McGregor, 30 vjeç, numëron 21 fitore e 4 humbje në artet marciale mikse.

Subscribe në YouTube: GAZETA INFOKUSI