Lajme

Mbyllen shkollat, shtohet numri i adoleshenteve shtatzëna

Autori: Gazeta inFokus 13:47 | 17 November 2020

Organizatat joqeveritare që merren me shëndetin priprodhues kanë thënë se masat izoluese në mbarë botën mund ta rrisin numrin e adoleshenteve shtatzëna.

Në qytezën e skajshme veriore të Kenisë, Lodëar, numri i adoleshenteve shtatzëna në mesin e personave që kërkojnë ndihmë nga organizata “International Rescue Committee” pothuajse u trefishua nga qershori në gusht të këtij viti, në krahasim me periudhën e njëjtë të vitit të kaluar.

Në kampin e refugjatëve në Kakuma, që ndodhet afër, numri i adoleshenteve shtatzëna u rrit për 51 nga marsi në gusht, krahasuar me shifrën prej 15 shtatzënash më shumë për të njëjtën periudhë të vitit të kaluar, shkruan The Guardian, transmeton Gazeta Express.

-Advertisement-

Ekspertët thonë se numri i adoleshenteve shtatzëna mund të jetë më i lartë, sepse disa prej tyre mund të jenë duke e shmangur vizitën te mjeku.

“Ne e dimë që vajzat e reja që mbeten shtatzëna nuk marrin qasje në shërbimet shëndetësore si gratë e rritura për shkak të paragjykimit”, tha Ademola Olajide, përfaqësues i Fondit të Popullsisë në Keni, që është organ i Kombeve të Bashkuara.

Ai shtoi se ky fakt i bën adoleshentët shtatzëna më të rrezikuara nga ndërlikimet shëndetësore dhe abortet e pasigurta.

Në nivel botëror, shtatzënia dhe lindja e foshnjave janë shkaktarët kryesorë të vdekjes së vajzave nga mosha 15 deri në 19-vjeçare, sipas Organizatës Botërore të Shëndetësisë.

Subscribe në YouTube: GAZETA INFOKUSI
Nëse doktor Mitrev do të përdorte hemofiltrimin me qëllim që të mashtruar pacientët, do t’i kishte mashtruar të gjithë 1738…

Të tjera