Lajme

Mblidhet Qeveria, do të marrë 10 vendime me ngarkesë buxhetore

Autori: Gazeta inFokus 07:07 | 17 December 2019

Kabineti qeveritar në detyrë në krye me Ramush Haradinajn, do të mblidhet të martën nga ora 13:00 për të shqyrtuar 10 vendime.

Vendimi i parë ka të bëjë me Draftin e Platformës Vjetore të Politikës së Intelegjencës dhe Sigurisë.

Një vendim tjetër ka të bëjë me kursimet dhe ndarjet buxhetore të organizatave buxhetore.

-Advertisement-

Po ashtu pritet të merret vendim edhe për shpronësimet e përhershme në lidhje me “Ndërtimin e Parkut të Energjisë”.

Një vendim tjetër ka të bëjë me shpronësimet në lidhje me “Ndërtimin e Parkut të Biznesit” në Skenderaj.

Parcela të caktuara të Korporatës Energjetike të Kosovës pritet t’i kalojnë Komunës së Obiliqit.

Vendim pritet të merret edhe në lidhje me Nismën për nënshkrimin e marrëveshjes financiare trepalëshe ndërmjet Bashkimit Evropian, Kosovës dhe Malit të Zi për programin e Bashkëpunimit Ndërkufitar IPA II.

Kabineti qeveritarë do të plotësojë, nesër, edhe vendimin në lidhje me ngritjen e bustit të senatorit Robert Dole në Prishtinë.

Vendim tjetër ka të bëjë me shpronësimet në lidhje me ndërtimin e autostradës Prishtinë-Gjilan-Dheu i Bardhë, segmenti Banullë-Bresalc.

Vendim për shpronësim pritet të merret edhe në segmentin Kijëve-Klinë-Zahaq, në lidhje me ndërtimin e autostradës Prishtinë-Pejë.

Vendim për ndarje buxhetore parashihet të ketë edhe për shoqatat e dala nga lufta e Ushtrisë Çlirimtare të Kosovës.

Subscribe në YouTube: GAZETA INFOKUSI
Etiketa:
Viva Fresh sjell programin XL: 10% zbritje gjatë gjithë vitit!
-Advertisement-

Të tjera

Fokusi

lajme