Lajme

Mbledhja e Kryesisë së LDK-së, këto janë vendimet që u morën

Autori: Gazeta inFokus 20:15 | 26 May 2023

Lidhja Demokratike e Kosovës ka mbajtur mbledhjen e Këshillit të Përgjithshëm në të cilën u morën disa vendime.

Një nga vendimet e Kryesisë ishte edhe rithemelimi i katër degëve të reja në katër komunat veriore: Mitrovicë e Veriut, Leposaviq, Zubin Potok dhe Zveçan.

“Këshilli i Përgjithshëm i Lidhjes Demokratike të Kosovës, autorizon Kryesinë dhe trupat përkatëse zgjedhore, të rithemelojë 4 degë të reja: atë në Zveçan, Leposaviq, Zubin Potok (Çabër) dhe Mitrovicë të Veriut.”. ka njoftuar anëtarja e Kryesisë së LDK-së, Jehona Lushaku-Sadriu.

-Advertisement-

Tutje LDK mori vendim edhe për shpalljen e zgjedhjeve të rregullta të brendshme më 1 qershor.

“Lidhja Demokratike e Kosovës, shpallë zgjedhjet e rregullta të brendshme. Zgjedhjet fillojnë nga data 1 qershor 2023. Njihen rezultatet e zgjedhjeve të jashtëzakonshme, të organizuara në të gjitha nivelet në degët: Gjakovë, Obiliq, Klinë dhe Malishevë.”, thuhet në njoftim.

Krahas kësaj, LDK-ja ka autorizuar Kryesinë Qendrore në caktimin e komisioneve përkatëse zgjedhore, përkatësisht Komisionin Zgjedhor dhe Komisionin e Ankesave, që konform statutit të Lidhjes Demokratike, të organizojë procesin zgjedhor.

Kryesia Qendrore u autorizua edhe që konfrom platformës së prezantuar në Kuvendin e fundit zgjedhor të LDK-së, të implementojë fuqizimin e degëve të Prishtinës, nëpërmjet riorganizimit gjeografik e territorial ashtu si dhe fuqizimin e degëve në Zvicër dhe në Gjermani.

Sipas njoftimit, u mor vendim edhe që çdo degë e Lidhjes Demokratike të Kosovës duhet të ketë së paku një nënkryetar/e të gjinisë tjetër me kryetarin/en e zgjedhur të degës.

Postimi i plotë:

Subscribe në YouTube: GAZETA INFOKUSI