Mbledhja e dy komisioneve, diskutohet për dialogun dhe procesin e anëtarësimit në NATO
Autori: Gazeta inFokus 16:59 | 26 April 2022
Deputetët e Komisionit parlamentar për Punë të Jashtme dhe atë për Siguri dhe Mbrojtje kanë shprehur shqetësimin e tyre për sulmet që po i bëhen Policisë së Kosovës në veri të vendit. Deputetët e dy komisioneve kanë mbajtur një takim ku kanë diskutuar për procesin e anëtarësimit në Këshillin e Evropës, procesin e punës me pesë vendet mosnjohëse, atë të anëtarësimit në NATO dhe forcimin e FSK dhe kapaciteteve të sigurisë në vend.
Kryetari i Komisionit për Punë të Jashtme dhe Diasporë, Haki Abazi ka thënë se ekziston një alarm pozitiv prej vendeve anëtarë të NATO-s për nj vështrim ndryshe ndaj Ballkanit Perëndimor.
“Është një alarm pozitiv prej anëtarëve të NATO-s për një vështrim ndryshe ndaj Ballkanit Perëndimor dhe kjo nuk është çështje e përfitimit të poenave politik por është çështje e përfitimit të situatës në të cilën jemi dhe mendoj që pozitë dhe opozitë, të gjitha institucionet duhet të jemi të gatshëm t’i përgjigjemi kësaj situate të re, mendoj që është situatë krejtësisht e re e cila na mundëson një angazhim. E dyta, duhet të bëjë një korrektim të vogël, kryeministri dhe ministri i Punëve të Brendshme qysh në ditën e dytë të sulmeve kanë thënë që ka qenë fatmirësi që policët tanë kanë qenë në automjete të blinduara, rrjedhimisht nuk janë lënduar, nuk ka qenë zvogëlim i problemit, ka qenë një reflektim real i sulmeve që janë bërë pa dashur të vënë në panik edhe të tensionojnë situatën”, ka thënë Abazi.
Deputeti nga radhët e Lidhjes Demokratike të Kosovës, Anton Quni ka thënë se nuk mund të shpresohet për anëtarësim në NATO pa një epilog të marrëveshjes me Serbinë.
Ish-ministri i Mbrojtjes ka theksuar se deklaratat e delegacionit amerikan dje në Kosovë duhet të merren seriozisht.
“Një ndër obligimet e para për të krijuar një parakusht për anëtarësim në NATO është fqinjësia e mirë apo zgjidhja paqësore e mosmarrëveshjeve me fqinjët. Ne me të gjithë fqinjët i kemi raportet e mira përveç me fqinjin tonë me Serbinë dhe nuk mundemi me pas aq shpresa të mëdha se ne mundemi të pretendojmë të jemi anëtar i NATO-s nëse nuk arrijmë deri të epilogu në mes të Kosovës dhe Serbisë. Po e rikujtoj edhe qëndrimin e fundit të autoriteteve të Shteteve të Bashkuara të Amerikës që e theksuan dje në takim me autoritetet e Kosovës se status quo është në dobi vetëm të politikave dhe regjimit të Rusisë. Duhet të merret si një vërejtje me peshë të veçantë për të ardhmen tonë në integrimet euroatlantike”, ka thënë Quni.
Ndërsa deputeti i Partisë Demokratike të Kosovës, Xhavit Haliti duke folur për negociatat me Serbinë tha se institucionet e Kosovës nuk po flasin hapur me qytetarët.
“Duhet të bëhet analizë, nuk po them sot, analizë serioze në çështjen e asaj që po e kërkon bashkësia ndërkombëtare, qoftë Bashkimi Evropian, qoftë shtetet e NATO-s, qoftë ShBA, lidhur me negociatat. Unë jam shumë i bindur se ne nuk po flasim hapur, nuk po flasin hapur institucionet me popullin dhe populli në një farë mënyrë po pompohet në deklarata patriotike, me deklarata koti që nuk i hyjnë në punë askujt përveç për interesa elektorale dhe të vërtetën ne nuk po jemi në gjendje me thënë as në këto tavolina që po besoj jemi njerëz me përgjegjësi dhe përgjegjshmëri të madhe”, ka thënë Haliti.
E sipas deputetes së AAK-së, Time Kadrijaj, ka thënë se tani duhet të kalohet të dialog përfundimtar me Serbinë për një marrëveshje me njohje reciproke.
“Duhet të kalohet prej dialogut teknik në dialog përfundimtar ku duhet të arrihet marrëveshje përfundimtare me njohje reciproke, me respektim të kufijve të Kosovës, me respektim të sistemit unitar të brendshëm, të respektohet Kushtetuta e Kosovës, të respektohen ligjet e Kosovës dhe nuk mendoj që duhet të ketë zvarritje tash me dialog teknik”, ka thënë deputetja e AAK-së.
Ndërsa ka ngritur si shqetësim mungesën e strategjisë për mbrojtje, për çka ka thënë se sjellja e saj në Kuvend po zvarritet nga Qeveria e Kosovës.
Kryetari i Komisionit për Çështje të Sigurisë dhe Mbrojtjes, Bekë Berisha është shprehur i shqetësuar për sulmet ndaj Policisë së Kosovës në veri të vendit.
“Shqetësim si komision e kemi, sot është sulmuar Policia e Kosovës prap në veri, mirëpo dua të falënderoj këtu Policinë e Kosovës për vetëpërmbajtje, për punën që po e bëjnë atje, ky nuk duhet të shihet si agresion nga Serbia, nuk është as sabotazh por deri më tani sa kemi informacion janë grupe kriminale kontrabandistë që po sulmojnë Policinë e Kosovës. Duhet të kemi kujdes, se unë pjesën e mbylljes do të flas pak më shumë, në klasifikimin e gjërave që ndodhin nuk duhet të ngutemi sepse atje po zhvillohet diçka po ne mundemi të gabojmë duke falsifikuar kështu ose ashtu, policia është duke bërë hetime tash se çka është duke ndodhur atje. Ne ve na konvenon tani Kosova mos të destabilizohet”, ka thënë Berisha.
Lidhur me këtë, deputeti nga PDK, Hisen Berisha ka thënë se institucionet e Kosovës duhet të kenë një qëndrim zyrtar.
“Sa i përket çështjes së veriut, zhvillimeve atje ndaj policisë, unë megjithatë dhe në vazhdimësi pres institucionet tona ta kenë një qëndrim zyrtar rreth tyre, aq më tepër që Lista Serbe veç ka mbajtur një qëndrim, pra nuk duhet të mbetet kjo në nivelin e festës me petarda siç është kualifikuar sepse është më serioze se kaq. Sa i përket asaj nëse policia nuk arrin të kryejë detyrën e vet atëherë Kosova ka edhe mekanizma të tjerë që sigurojnë edhe jetën, edhe mirëqenien edhe pronën edhe të gjitha aspektet e zhvillimit të shtetit”, ka thënë Berisha.
Deputetët e dy komisioneve janë mbledhur për koordinimet dhe përgatitjet për sfidat në politikën e jashtme dhe atë të sigurisë në marrëdhëniet ndërkombëtare pas fillimit të luftës në Ukrainë.
Të tjera
-
Numërimi i votave në Maqedoninë e Veriut, Bujar Osmani aktualisht i treti në nivel vendi
Në Maqedoninë e Veriut është duke u bërë numërimi i votave, ku nga numërimet ...
-
Dalin rezultatet në Tetovë
Në komunën e Tetovës deri më tani janë numëruar 61.620 vota nga gjithësej 86....
-
Ky është rasti për të cilin u hakmor i riu që e goditi për vd*ekje 44-vjeçarin në Pejë
Hakmarrja dyshohet se ishte motivi i rastit të rëndë që ndodhi sot në Pejë, k...
-
Numërohen 38% të votave, këto janë rezultatet e para
Komisioni Shtetëror Zgjedhor (KSHZ) ka nisur të nxjerr rezultatet e para jo-z...
-
‘Vr*asje me qëllim hakmarrje’, ky është i dyshuari që e goditi për vd*ekje një person në Pejë
Hakmarrja dyshohet se ishte motivi i rastit të rëndë që ndodhi sot në Pejë, k...
-
Arrestohet burri që i su lmoi dy gra në një parking të Prishtinës, dyshohet se i shkaktoi dy aksidente
I dyshuari që sulmoi fizikisht dy gra në një parking në rrugën “Sylejman Voks...
-
Sanduloviq: SHBA do të leshojnë urdhërarrest ndaj Aleksandar Vuçiq
Nikola Sanduloviq, kryetar i Partisë Republikane Serbe, ka shkruar të mërkurë...
-
Ky është personi që u godit nga vetura në Pejë
Ka ndërruar jetë, personi i cili u godit nga një veturë në orët e pasditës në...
-
E rëndë në Pejë: Humb jetën një person, dyshohet se u godit qëllimshëm nga një veturë
Një person ka humbur jetën në Spitalin Rajonal të Pejës, si pasojë e plagëve ...
-
Hovenier e vlerëson produktiv takimin e Kurtit me O’Brien: Presim që Kosova dhe Serbia t’i përmbushin obligimet
Ambasadori amerikan në Kosovë, Jeffrey Hovenier, e ka vlerësuar produktiv tak...
-
Deri në orën 18, në Maqedoninë e Veriut votuan 47,61% e qytetarëve
Deri në orën 18:00, te Komisioni Shtetëror i Zgjedhjeve në Maqedoninë e Veriu...
-
Osmani takohet me Rohden, e falënderon për mbështetjen e Gjermanisë për votimin në Asamblenë Parlamentare
Presidentja e vendit, Vjosa Osmani, ka takuar ambasadorin gjerman në Kosovë, ...