Lajme

Mbi 600 forca serbe po kërkojnë të dyshuarin për sulmin e dytë masiv

Autori: Gazeta inFokus 07:59 | 05 May 2023

Mbi 600 anëtarë të Forcave Speciale Serbe janë duke kërkuar për 21-vjeçarin e identifikuar si Uros B, i dyshuar për sulmin masiv të mbrëmshëm në Dubonë ku mbetën të vrarë tetë persona dhe 13 të tjerë të plagosur.

Policia ka rrethuar zonën ku dyshon se ai fshihet, sipas kanalit N1 të CNN. Të gjitha njësitë speciale të policisë janë të angazhuara, duke përfshirë një njësi kundër terrorizmit, njësi helikopterësh dhe forca policore nga qytetet e Beogradit dhe Smederevës, shkruan CNN, transmeton Klankosova.tv.

Ministria e Brendshme konfirmoi për CNN se këtë incident po e trajtojnë si një akt terrorizmi të brendshëm, por nuk specifikuan më shumë detaje.

-Advertisement-

Kujtojmë se sulmi i mbrëmshëm është i dyti i këtij lloji pasi të mërkurën një fëmijë 13-vjeç dyshohet se la të vdekur tetë fëmijë dhe rojen e një shkolle në Beograd.

Subscribe në YouTube: GAZETA INFOKUSI
Etiketa:
Zbritje dhe plot 5 dhurata – Oferta spektakulare e dyshekëve Comodita
-Advertisement-

Të tjera

Fokusi

lajme