Lajme

Mbi 5 mijë raste aktive me Covid-19

Autori: Gazeta inFokus 07:18 | 18 January 2022

Në total numri i rasteve aktive nga Covid-19 në Kosovë është 5.118, kështu ka njoftuar Ministria e Shëndetësisë në raportin saj të fundit.

Gjatë 24 orëve të fundit është shënuar edhe numër i madh i raste me Covid-19. Nga 5.297 testime, 728 qytetarë kanë rezultuar pozitiv me virusin Covid-19.

Brenda kësaj periudhe kohore nuk është shënuar asnjë viktimë. Kurse, janë shëruar 99 qytetarë, derisa numri i përgjithshëm i të shëruarve është 158.750.

-Advertisement-

Kurse janë administruar 1 mijë e 156 vaksina Anti-Covid, në 24 orët e fundit.

“Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon: Në 24 orët e fundit janë dhënë 1.156 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 1.717.379 doza të vaksinës. Deri më sot 796.246 qytetarë janë vaksinuar me dozën e dytë. Deri më sot janë dhënë 33.156 doza përforëcuese dhe 2.169 doza të treta të vaksines kundër COVID-19”, është bërë e ditur nga Ministria e Shëndetësisë.

Subscribe në YouTube: GAZETA INFOKUSI
Etiketa:

Të tjera

Fokusi

lajme