Mbi 14 mijë euro gjobë ndaj ish-zyrtarit policor dhe tre të tjerëve pasi pranuan se organizuan lojën me poker
Autori: Gazeta inFokus 15:40 | 01 October 2021
Ish-zyrtari policor Jashar Osdautaj dhe të akuzuarit Gegë Lleshaj, Arlind Hajdari dhe Leonard Elezaj janë dënuar me 14 mijë e 400 euro gjobë për organizim të kundërligjshëm të lojës së pokerit, në korrik të 2020-es në Gjakovë.
Sipas aktgjykimit të shpallur nga gjykatësja Diana Sina, katër të akuzuarit fillimisht janë dënuar me nga 6 muaj burgim secili, por që me pëlqimin e tyre ky dënim është zëvendësuar në dënim me gjobë për secilin nga 3 mijë e 600 euro.
Të njëjtëve në këto dënime do t’iu llogaritet edhe koha e kaluar në paraburgim dhe arrest shtëpiak, ashtu që të katërve nga këto gjoba secilit do t’iu hiqen nga 1 mijë e 200 euro, ndërsa pjesën tjetër janë të detyruar ta paguajnë në afat prej 60 ditësh.
Gjithashtu, janë konfiskuar para në shumën prej 1 mijë e 9 euro, dy dollarë dhe dhjetëra çipa të lojës.
Të gjithë të akuzuarit e kanë pranuar fajësinë në shqyrtimin gjyqësor të mbajtur më 29 shtator të këtij viti.
Madje, i akuzuari Osdautaj kishte deklaruar se kjo vepër penale i kishte kushtuar atij me vendin e punës.
Në aktakuzën e Prokurorisë Themelore në Gjakovë thuhet se Jashar Osdautaj, Gegë Lleshaj, Arlind Hajdari dhe Leonard Elezaj, më 26 korrik 2020, në depon e një bodrumi të objektit banesor e cila gjendet në rrugën “Nëna Tereza” në Gjakovë, saktësisht afër ëmbëltores “Sharri”, kanë organizuar, zhvilluar dhe marrë pjesë në veprimtarinë e lojërave të fatit dhe atë në lojën poker.
Tutje sipas aktakuzës, ata këtë e kanë bërë në atë mënyrë që natën kritike pas një kontrolli të zhvilluar nga Inspektorati Policor i Kosovës, të akuzuarit janë zënë duke ushtruar veprimtarinë me lojëra të fatit në kundërshtim me Ligjin për Ndalimin e Lojërave të Fatit, me ç’rast janë arrestuar të akuzuarit si dhe janë sekuestruar një shumë e caktuar e të hollave, çipa të lojës së pokerit si dhe dy aparate të lojërave të fatit.
Sipas aktakuzës, me këto veprime ata po akuzohen se kanë kryer veprën penale “Organizimi i skemave piramidale dhe bixhozit të paligjshëm në bashkëkryerje” nga neni 294 paragrafi 2 lidhur me nenin 31 të KPRK-së, vepër kjo e dënueshme me burgim prej 6 muaj deri në 5 vjet. /BetimipërDrejtësi/
Të tjera
-
KQZ pritet të vendosë për kamera në vendvotime
Në Komisionin Qendror të Zgjedhjeve, është diskutuar lidhur me aktivitetet e ...
-
Vlora Çitaku zgjidhet Sekretare e Përgjithshme e PDK-së
Këshilli Drejtues i Partisë Demokratike të Kosovës ka mbajtur sot mbledhjen e...
-
Vuçiq pa detaje rreth “ditëve të vështira” për Serbinë
Presidenti serb, Aleksandar Vuçiq, tha se më 28 mars Serbinë e presin “ditë t...
-
Del video nga ngjarja që tronditi Prishtinën: Kështu nisën të shtënat me armë në Kolovicë
Policia e Kosovës ditë më parë ka dhënë detaje lidhur me vrasjen e së martës ...
-
Nuk votohet në Kuvend Projektdeklarata për raportet e Kosovës me ShBA-në
Deputetët e Kuvendit të Kosovës nuk kanë arritur që as edhe në seancën e sotm...
-
Nënkryetarja e PE-së: Sanksionimi vetëm i Kosovës në mosmarrëveshjen me Serbinë, sinjal kontradiktor nga KE-ja
Zgjedhjet evropiane të vitit 2024 do të përcaktojnë kursin për një sërë gjëra...
-
Kurti për masakrën e Izbicës: Prokuroria e Shtetit e ka mbështetjen e plotë që kriminelët të jenë prapa grilave
Pas homazheve te familjet Bogujevci, Duriqi dhe Llugaliu, kryeministri i Koso...
-
PDK voton Kryesinë e Re, Bedri Hamza merr mbështetje si kandidat për kryeministër
Këshilli Drejtues i PDK-së ka mbajtur sot mbledhjen e radhës me ftesë të krye...
-
Osmani: Strategjia e regjimit gjenocidal të Serbisë ishte shfarosja etnike
Presidentja e Kosovës, Vjosa Osmani ka kujtuar masakrën ndaj familjeve Boguje...
-
KQZ: Qendrave të Votimit në veri, funksionale për 21 prill
Komisioni Qendror i Zgjedhjeve (KQZ), në mbledhje e sotme ka prezantua një ra...
-
Osmani kujton masakrën ndaj familjeve Bogujevci dhe Duriqi: Autorët të sillen para drejtësisë
Presidentja e Kosovës, Vjosa Osmani kujtoi masakrën e familjeve Bogujevci e D...
-
Pakënaqësi me Ligjin e pagave, Jasharaj paralajmëron protestë më 1 maj – nuk e përjashton mundësinë e grevës
Sindikata e Bashkuar e Arsimit, Shkencës dhe Kulturës (SBAShK), ka shprehur s...