Mbi 1 milionë fëmijë në SHBA janë diagnostikuar me COVID-19
Autori: Gazeta inFokus 11:17 | 17 November 2020
Gjithsej 1.039.464 fëmijë në SHBA kanë rezultuar pozitiv në testin për koronavirusin e ri (COVID-19) deri më 12 nëntor, njoftuan përmes një kumtese nga Akademia Amerikane e Pediatrisë (AAP) dhe Shoqata e Spitalit të Fëmijëve, transmeton Anadolu Agency (AA).
Në kumtesë thuhet se gjatë një periudhe një javore që përfundoi më 12 nëntor, u regjistruan 111.946 raste të reja të koronavirusit tek fëmijët, që është dukshëm më shumë se çdo javë të mëparshme të pandemisë.
“E vlerësoj këtë shifër si tronditëse dhe tragjike. Ne nuk kemi parë një virus të përhapet aq shpejt nëpër komunitetet tona në këtë mënyrë pasi më parë kemi pasur vaksina për fruth dhe poliomielit”, tha presidentja e AAP-së, Sara Goza, e cila ka qenë pediatre për më shumë se tre dekada.
“Përderisa ne presim që një vaksinë të testohet dhe licencohet për të mbrojtur fëmijët nga virusi që shkakton COVID-19, ne duhet të bëjmë më shumë tani për të mbrojtur të gjithë në komunitetet tona. Kjo është edhe më e rëndësishme teksa i afrohemi dimrit, kur njerëzit natyrisht kalojnë më shumë kohë në ambiente të mbyllura ku është më e lehtë për t’u përçuar virusi”, shtoi ajo.
Deri më tani ka dy kandidatë të suksesshëm të vaksinave kundër COVID-19, një nga kompania amerikane Moderna që njoftoi se vaksina e saj është 94,5 për qind efikase dhe një tjetër nga prodhuesi amerikan i barnave Pfizer dhe kompania gjermane e bioteknologjisë BioNTech, të cilët javën e kaluar deklaruan se vaksina e tyre ka më shumë se 90 për qind efikasitet.
Megjithatë, para se vaksinat të jenë të gatshme për të gjithë, AAP u bëri thirrje udhëheqësve të SHBA-së që menjëherë të miratojnë një strategji kombëtare.
“Na duhet urgjentisht një strategji e re, mbarëkombëtare, për të kontrolluar pandeminë dhe kjo duhet të përfshijë zbatimin e masave të provuara të shëndetit publik si mbajtja e maskës dhe distancës fizike”, tha Goza.
“Kjo pandemi po sjell një dëm të rëndë për fëmijët, familjet dhe komunitetet”, shtoi ajo.
Sipas një sondazhi kombëtar të realizuar nga AAP, 27 për qind e prindërve raportuan përkeqësim të shëndetit mendor për veten e tyre, ndërsa 14 për qind raportuan përkeqësime të këtilla për fëmijët e tyre.
Sipas Qendrës Amerikane për Kontrollin dhe Parandalimin e Sëmundjeve, vizitat e fëmijëve dhe adoleshentëve në departamentin e urgjencës për problemet e shëndetit mendor janë rritur më shumë se 24 për qind gjatë pandemisë.
Nga AAP gjithashtu thonë se përderisa ndërprerjet në arsim kanë ndikuar në aspektin akademik të fëmijëve dhe stabilitetin e familjes, fëmijët të cilët ishin tashmë të ndjeshëm nga abuzimi dhe neglizhenca para pandemisë, tani janë në rrezik më të lartë dhe të menjëhershëm të dëmtimit të rëndë, neglizhencës dhe madje edhe të vdekjes.
Në SHBA ka gjithsej mbi 11 milionë raste të koronavirusit, me më shumë se 246 mijë vdekje.
Të tjera
-
Zveçan: Policia i gjen armë në shtëpi, i dyshuari dërgohet në mbajtje
Policia e Kosovës njofton se të mërkurën gjatë kontrollit në shtëpinë e një t...
-
Opozita lëshon sallën, shkak raporti i DASH e marrëveshjet ndërkombëtare
Partitë opozitare kanë lëshuar seancën e Kuvendit të Kosovës. Arsyeja për kët...
-
Hulumtimi i Infokusit: Ferat Shala e quan të dyshimtë dhe të kundërligjshme marrëveshjen e Liburn Aliut për tunelin Prizren – Tetovë
Gazeta Infokus ekskluzivisht të mërkurën ka publikuar marrëveshjen e nënshkru...
-
LAJMI I FUNDIT: Lirohen nga akuza Sylejman Selimi dhe Jahir Demaku
Janë liruar nga akuza, Ish-komandanti i Ushtrisë Çlirimtare të Kosovës, Sylej...
-
Murati: S`po ratifikohen marrëveshjet që do të përfitonim 300 milionë euro
Ministri i Financave dhe Transfereve, Hekuran Murati ka thënë se janë 300 mil...
-
Avokati i Popullit, i shqetësuar me akuzat për ngacmime seksuale në UP
Institucioni i Avokatit të Popullit është shprehur jashtëzakonisht i shqetësu...
-
Sindikata e Re KEK-ut dhe ajo e Trepçës, reagojnë ndaj kryetarit të BSPK-së për disa vendime
Sindikata e Re e KEK-ut, Sindikata e Pavarur e Administratës së Kosovës dhe S...
-
“Për nder të Liburn Aliut i cili na lëshoi çeshmen”, PSD aksion para Qeverisë
Partia Socialdemokrate ka zhvilluar një aksion simbolik në oborrin e Qeverisë...
-
Bogujevci: Suksesi i Kosovës në KiE-kur jemi bashkë arrijmë shumë
Nënkryetarja e Kuvendit të Kosovës, Saranda Bogujevci, e ka vlerësuar si suks...
-
Në Bruksel fillon takimi i përbashkët mes kryenegociatorëve
Ka nisur takimi i përbashkët mes kryenegociatorëve të Kosovës me ndërmjetësim...
-
Bom ba në veturën te rruga B: Arrestohet në aeroport Kushtrim Krasniqi, dyshohet se tentoi ta vra*ë Ardit Sekiraqën
Pas më shumë se dy muajsh, Policia ka arritur ta arrestojë të dyshuar për ten...
-
Rusia do ta humbte një luftë me NATO-n, paralajmëron Polonia
Një luftë mes Rusisë së Vlladimir Putinit dhe NATO-s do t’i jepte fund “mposh...