Mbahet mbledhja e pestë e Komitetit Ndër-ministror për Kompleksin Memorial “Adem Jashari” në Prekaz
Autori: Gazeta inFokus 17:11 | 02 July 2022
Nën kryesimin e Kryeministrit të Republikës së Kosovës, Albin Kurti, u mbajt mbledhja e pestë e Komitetit Ndër-ministror për Kompleksin Memorial “Adem Jashari” në Prekaz. Në këtë mbledhje, që zgjati tre orë, u prezantua dhe u diskutuan rezultatet e hulumtimit shumë-sektorial për konceptin, vizionin dhe bazat e Master Planit për këtë kompleks, përgatitur nga komisioni i ekspertëve të formuar në fillim të këtij viti. Ky hulumtim paraqet hapin e parë drejt fazës së ardhshme e që është shpallja e konkursit për hartimin e Master Planit për këtë Kompleks.
“Gjatë vitit të kaluar kemi ndërmarrë hapa për t’u siguruar që të konsolidohet gjendja fizike e ndërtesave në Kompleks dhe përmes vlerësimeve profesionale dhe ndërhyrjeve emergjente të realizuara, gjendja e sigurisë së ndërtesave të rrezikuara brenda kompleksit është përmirësuar” u shpreh Kryeministri Kurti.
Historia e Familjes Jashari duhet të rrëfehet ashtu siç e meriton, me dinjitet dhe me krenari, tha kryeministri Kurti.
“Ky rrëfim duhet të bëhet i ditur për të gjithë, për të rinjtë edhe të rejat, për ata që do vijnë pas nesh dhe për çdo të huaj që e viziton vendin tonë. Duhet të tejkalojmë edhe barrierat kohore, dhe kujtimin për veprën heroike të Familjes Jashari ta shndërrojmë në përjetësi, sepse është një ngjarje unike me efekte të cilat do të shtrihet edhe kur ne nuk do të jemi më”, u shpreh më tej Kryeministri Kurti.
Ai shtoi se Kompleksi Memorial “Adem Jashari” është një nga proceset më delikate të Republikës së Kosovës, dhe për atë jemi siguruar të punojmë me një ndjeshmëri dhe përgjegjësi të lartë, me qasje profesionale e multi-diciplinare, nga historia, monumentaliteti, peizazhi kulturor e natyror, deri te vlerësimi profesional teknik dhe kujtesa kolektive.
Fjala e plotë e Kryeministrit të Republikës së Kosovës, Albin Kurti në mbledhjen e pestë të Komitetit Ndër-ministror për Kompleksin Memorial “Adem Jashari” në Prekaz
Të nderuar anëtarë të Komitetit ndër-ministror për Kompleksin Memorial “Adem Jashari” në Prekaz,
Të nderuar anëtarë të Komisionit të Ekspertëve,
Me kënaqësi të veçantë e bëj hapjen e mbledhjes së pestë të Komitetit ndër-ministror për Kompleksin Memorial “Adem Jashari” në Prekaz.
Për më shumë se gjashtë muaj, brenda kornizës ligjore të Republikës së Kosovës, e në veçanti ligjit për Kompleksin Memorial “Adem Jashari”, kemi ndërmarrë hapa të rëndësishëm drejt zotimit tonë për ruajtjen dhe mbrojtjen e vlerave mbi të cilat është ndërtuar Republika e Kosovës.
Përmes këtij komiteti ndër-ministror, këtë e bëjmë me përkushtim për Kompleksin Memorial “Adem Jashari” në veçanti si për asgjë tjetër.
Nga viti i kaluar kemi ndërmarrë hapa të rëndësishëm të cilët sigurojnë mbrojtjen e vlerave që i përfaqëson ky vend.
Historia e Familjes Jashari duhet të rrëfehet ashtu si e meriton, me dinjitet dhe me krenari. Ky rrëfim duhet të bëhet i ditur për të gjithë, për të rinjtë edhe të rejat, për ata që do të vijnë pas nesh dhe për çdo të huaj që e viziton vendin tonë. Duhet të tejkalojmë edhe barrierat kohore dhe kujtimin për veprën heroike të Familjes Jashari ta shndërrojë në përjetësi, sepse është një ngjarje unike me efekte të cilat do të shtrihet edhe kur ne nuk do të jemi më.
Ky është ndër proceset më delikate të Republikës sonë, prandaj jemi siguruar që të punojmë me një ndjeshmëri dhe përgjegjësi të lartë, me qasje profesionale e multi-diciplinare, nga historia, monumentaliteti, peizazhi kulturor e natyror, deri te vlerësimi profesional teknik dhe kujtesa kolektive.
Gjatë vitit të kaluar kemi ndërmarrë hapa për t’u siguruar që të konsolidohet gjendja fizike e ndërtesave në Kompleks. Përmes vlerësimeve profesionale dhe ndërhyrjeve emergjente të realizuara, gjendja e sigurisë së ndërtesave të rrezikuara brenda kompleksit është përmirësuar.
Nga themelimi i Komisionit të Ekspertëve, siç e kërkon ligji për Kompleksin Memorial “Adem Jashari”, në fillim të këtij viti fokusi është përqendruar në Hartimin e Master Planit për Kompleksin Memorial. Për këtë, ekspertët vendorë e ndërkombëtarë, të emëruar nga Komisioni e të rekrutuar në bazë të legjislacionit në fuqi nga Agjencia për Menaxhimin e Komplekseve Memoriale e Republikës së Kosovës, me përkushtim, kanë punuar në përgatitjen e konceptit, vizionit dhe bazave të Master Planit të Kompleksit memorial.
Sot, së bashku me ne janë anëtarët e Komisionit të Ekspertëve, të cilët do të prezantojnë para nesh, rezultatet e hulumtimit shumë-sektorial dhe vizionin për Master Planin e kompleksit, vizion ky i cili do të jetësohet përmes zbatimit të këtij plani.
Dhe ky prezantim sot, është vetëm hapi i parë i fazës që na pret në vijim, e ajo është shpallja e konkursit për hartim të Master Planit për Kompleksin Memorial “Adem Jashari” në Prekaz. Projekt ky, i cili do të jetësojë vizionin e përbashkët drejt përfaqësimit dhe prezantimit të historisë heroike, të sakrificave dhe kontributin jetësor të Familjes Jashari për çlirimin dhe pavarësinë e vendit tonë.
Duke ju falënderuar të gjithëve për punën dhe përkushtimin e deri tanishëm, ju ftoj që të vazhdojmë me pikat e tjera të radhës të rendit të ditës për sot.
Të tjera
-
S’ka rroga për punëtorët, Sindikata e Postës e Telekomit thërret protestë për të martën
Sindikata e Pavarur e Postës dhe Telekomit ka paralajmëruar një protestë para...
-
Fillojnë punimet për rindërtimin e fushës në stadiumin “Fadil Vokrri”
Kanë filluar punimet për rindërtimin e tërësishëm të fushës në stadiumin “Fad...
-
Arrestohet në Shqipëri 34 vjeçari nga Peja: Po kërkohet nga Gjermania ai anëtar i organizatës krimi*ale
34 vjeçari P.A nga Peja i cili ishte në kërkim nga autoritetet gjermane për p...
-
Stano deklarohet për raportimet se Lajçaku do të marrë post të ri
Gjatë ditës së sotme u raportua se nga muaji shtator, emisari aktual i BE-së ...
-
Përmbaruesi bllokon llogaritë: 2700 punëtorë të Telekomit dhe Postës mbesin pa rroga – paralajmërojnë protestë
Sindikata e Postës dhe Telekomunikacionit ka paralajmëruar protestë për të ma...
-
Investimet për faqe te zezë të Alban Hysenit, asfalton trotuare për bandera
Një bander në mes të trotuarit të asfaltuar, janë pamjet më të reja të publik...
-
Sekuestrohen ar*më në Cermjan të Gjakovës
Më zbatim të urdhërkontrollit të lëshuar nga Gjykata, Stacioni Policor në Gja...
-
Gorçeviç: Mali i Zi do ta përkrahë anëtarësimin e Kosovës në KiE
Ministrja për Çështje Evropiane e Malit të Zi, Maida Gorçeviç, ka thënë se në...
-
Kuvendi me tri seanca plenare në javën e ardhshme
Tri seanca plenare do të mbahen në javën e ardhshme në Kuvendin e Kosovës. ...
-
IKShPK: Regjistrohen 8 raste të Kollës së mirë në Kosovë
Instituti Kombëtar i Shëndetësisë Publike të Kosovës (IKShPK) ka njoftuar se ...
-
Aksident trafiku në Kërçovë, 3 të vd*ekur dhe 4 të lënduar
Një aksident i rëndë trafiku ka ndodhur mëngjesin e sotëm, në ora 04:50, në m...
-
Kusari-Lila: S’jemi në situatë të jashtëzakonshme që duhet medoemos të shkojmë në zgjedhje
Shefja e grupit parlamentar të VV-së, Mimoza Kusari-Lila, e ka komentuar kërk...