Lajme

Mbahet konferenca rajonale kundër korrupsionit

Autori: Gazeta inFokus 07:09 | 04 October 2018

Agjencia Kundër Korrupsionit sot organizon Konferencën Rajonale Kundër Korrupsionit.

Në Konferencën dyditore (4 dhe 5 tetor) marrin pjesë drejtues të institucioneve relevante nga Shqipëria, Bosnja e Hercegovina, Italia, Kroacia, Mali i Zi, Moldavia, Turqia, përfaqësues nga organizatat të specializuara ndërqeveritare në nivel rajonal dhe më gjerë (UNDOC, OECD, UNDP), ekspertë ndërkombëtarë nga sfera e parandalimit dhe luftimit të korrupsionit, si dhe përfaqësues të institucioneve vendore për rend dhe ligj, dhe të organizatave të shoqërisë civile.

Në hapjen e punimeve të Konferencës do të marrin pjesë drejtues të institucioneve shtetërore dhe përfaqësues të korpusit diplomatik në Kosovë.

-Advertisement-

Konferenca Rajonale Kundër Korrupsionit është e para këtij formati që organizohet në Kosovë dhe synon që të bëhet tradicionale përmes miratimit të një Deklarate të Përbashkët në përmbyllje të punimeve.

Konferenca ka për qëllim që të kontribuojë në forcimin e bashkëpunimit
rajonal në Europën Juglindore përmes shkëmbimit të përvojave dhe
praktikave të mira në parandalimin dhe luftimin e korrupsionit.

Subscribe në YouTube: GAZETA INFOKUSI