Sport

Matuidi: Ronaldo i inatosur që nuk shënoi gol

Autori: Gazeta inFokus 11:56 | 02 September 2018

Mesfushori i Juventusit, Blaise Matuidi, ka insistuar se Juventusi do t’i ndihmojë Cristiano Ronaldos të shënojë gola, por ka bërë të ditur se portugezi ishte i inatosur që nuk arriti të shënoj gol në ndeshjen kundër Parmas.

Juventusi i Massimiliano Allegrit e vazhdoi ecurinë e përkryer duke e shënuar fitoren e tretë në po aq ndeshje në ligën elitare italiane, pasi e mposhti Parmën 2-1 në udhëtim.

Juventusi mund të jetë i kënaqur me rekordin e qind për qind në këtë fillim sezon, por jo edhe sulmuesi portugez, i cili dëshpërimisht e kërkoi golin debutues në Serie A edhe ndaj Parmës.

33-vjeçari gjuajti tetë herë drejt portës së Parmës, por asnjëra nga këto gjuajtje nuk rezultoi të jetë e saktë, por Matuidi, i cili e shënoi golin e fitores, beson se Ronaldo do ta bëjë një gjë të tillë së shpejti.

-Advertisement-

“Ai është një lojtar i mrekullueshëm dhe do të shënojë gol së shpejti, pasi që është shumë i rëndësishëm për skuadrën tonë”, ka thënë Matuidi.

“Ai ishte i pafat këtë mbrëmje, por ne do t’i ndihmojnë dhe ai ka ende shumë kohë. Ishte pak i inatosur që nuk shënoi, por golat do të vijnë me kalimin e kohës”.

Edhe bashkëlojtari tjetër i Ronaldos, Douglas Costa, i cili hyri në lojë në minutën e 50-të, mendon se portugezi është duke u ambientuar me ligën e re dhe ai do të shënojë gol së shpejti.

“Cristiano po luan në një ligë të re dhe natyrisht, ai dëshiron të shënojë gol, por ai gjithashtu e di se tre pikët janë ato që kanë më së shumti rëndësi”.

 

Subscribe në YouTube: GAZETA INFOKUSI
-Advertisement-

Të tjera

Fokusi

sport