Lajme

Matoshi: A ka Plan B Qeveria Kurti?

Autori: Gazeta inFokus 17:13 | 05 November 2022

Analisti Halil Matoshi ka reaguar pasi serbët kanë vendosur t’i braktisin institucionet e Kosovës.

Halil Matoshi përmes një postimi në Facebook, ka pyetur Qeverinë e Kosovës nëse ka plan B për situatën e re të krijuar në veri.

“Në veri të Kosovës po mbretnon paligjësia, rebelimi kaotik dhe vakuumi institucional! Shteti i Kosovës sot po ballafaqohet me padëgjueshmëni qytetare atje. Shpejt pritët me dalë fotografia e të ashtuquajtunës “Brigada Serbe e Veriut” me “kumandirat” Rakić, Radojčić e Djurić, tue vringëllu armët”, ka shkruar Matoshi.

-Advertisement-

Me tutje, Matoshi ka thënë se me vendimin për t’i braktisur institucionet Goran Rakiqi ka bërë tradhëti ndaj shtetit.

“Goran Rakić ka bâ tradhti të naltë kundër shtetit, tue thirrë në rebelim, ai duhet me u arrestu dhe me u përgjegj penalisht, simas Kodit penal të Kosovës”, ka shkruar Matoshi.

Matoshi ka kërkuar nga shefi i ekzekutivit dhe ministri i brendshëm ta rivendosin rendin dhe ligjin në veri.

“Albin Kurti e Xhelal Sveçla janë përgjegjës kryesorë dhe të mandatuem për me e rivendosë rendin dhe ligjin si dhe paqen në veri!Vakuumi duhet mbushë me diçka!??? Presim Planin B. të Qeverisë. Ose rivendosje e rendit në tërë territorin kushtetues të vendit ose dorëheqje”, ka shkruar Matoshi.

Subscribe në YouTube: GAZETA INFOKUSI
Super Zbritje në Artmotion
-Advertisement-

Të tjera

Fokusi

lajme