Lajme

Mashtruesi që thoshte se do ta nxjerr nga burgu, përfundon vet në pranga

Autori: Islam Morina 09:26 | 23 February 2021

Një person nga Prizreni i dyshuar për mashtrim ka përfunduar nën pranga të Policisë së Kosovës, shkruan Gazeta inFokus.

Ai ishte paraqitur si zyrtar i sigurimit në Kuvendin e Kosovës, duke e mashtruar një person tjetër se kishte lidhje e njohje me gjyqtarë e prokurorë dhe se do ta nxirrte atë nga burgu në këmbim të parave.

Viktimës ia kishte marrë 2650 euro por që pas kësaj kishte përfunduar në pranga dhe është dërguar në mbajtje me vendim të prokurorit.

“Është arrestuar i dyshuari mashkull kosovar, pasi që i njëjti ishte prezantuar se punon në sigurim të Kuvendit të Kosovës dhe e kishte mashtruar viktimën mashkull kosovar, duke i kërkuar 2650 euro, i kishte premtuar se do t’i ndihmojë një personi për ta nxjerr nga burgu, pasi që sipas tij i njeh prokurorët dhe gjyqtarët. Me urdhër të prokurorit, i dyshuari dërgohet në mbajtje”, njofton raporti i Policisë së Kosovës./Gazeta inFokus/

Të tjera