Mashtrimi për uljen e pagave të deputetëve, këto janë shumat marramendëse që Kryesia e Kuvendit mori në emër të mëditjeve e shtesave vetëm për 5 muaj, prinë Glauk Konjufca
Autori: Hateme Smajli 17:13 | 07 July 2023
Për 5 muaj, anëtarët e kryesisë së Kuvendit të Kosovës morën mijëra euro nga buxheti i shtetit për paga e shtesa për pjesëmarrje në seanca e komisione.
Këto shuma marramendëse qe kanë përfituar anëtarët e kryesisë së Kuvendit të Kosovës, janë zbuluar nga një hulumtim i Gazetës Infokus.
Prej muajit janar deri në muajin maj, periudhë kjo qe ka siguruar raportin gazeta Infokus, del se, kryetari Glauk Konjufca dhe anëtarët e kryesisë kanë marrë hiq më pak 19 mijë euro vetëm shtesa. Kjo shifër përfshin vetëm kryetarin dhe nënkryetarët, pra për 6 deputetë.
Ndërsa duke përfshirë edhe pagat e këtyre 6 deputetëve, ata morën nga paratë e shtetit mbi 65 mijë euro vetëm për gjysmën e parë të vitit 2023.
NDIQENI VIDEON MË POSHTË:
Kujtojmë që me ligjin e ri të pagave që hyri në fuqi në shkurt të vitit 2023 qeveria proklamonte ulje të pagave për deputetët. Por në bazë të kësaj liste dëshmohet e kundërta. Me një matematike të thjeshtë mund të shohësh se pagat e deputetëve vazhdojnë të jenë të njëjta duke përfshirë edhe shtesat e tjera dhe mëditjet.
Në bazë të këtyre të dhënave që Kuvendi i ka dërguar Gazetës Infokus, shtesat e deputetëve përveç pagës ndahen në bazë të funksionit, seancave, evidencës dhe shtesave tranzitore.
Shifrat e shtesave që kanë marrë deputetët që do ti prezantojmë në vijim për secilin anëtar të kryesisë, janë marramendëse.
Po ndalemi fillimisht tek i pari i Kuvendit, Glauk Konjufca i VV, i cili edhe prin në këtë listë.
Prej muajit janar deri në maj, Glauk Konjufca nga buxheti i shtetit mori mbi 14 mijë euro. Prej tyre 9 mijë e 710 paga ndërsa afro 5 mijë euro shtesa.
Anëtarja e kryesisë së Kuvendit nga partia në pushtet e cila zë vendin e dytë në këtë listë për shtesat, është Saranda Bogujevci.
Bogujevci për 5 muaj mori nga paratë e shtetit 13 mijë euro. Prej tyre 3 mijë e 798 euro përfshijnë shtesat përveç pagës.
I treti në këtë renditje është nënkryetari i kuvendit të Kosovës nga Lidhja Demokratike e Kosovës, Kujtim Shala. Ai mori nga buxheti i shtetit për 5 muaj mbi 12 mijë euro duke përfshirë këtu edhe pagën, ndërsa shtesat e tij kapin shifrën 3 mijë e 370 euro.
E menjëherë pas tij është nënkryetari tjetër që vjen nga Partia Demokratike e Kosovës, Enver Hoxhaj.
Hoxhaj ka marrë nga buxheti i shtetit shtesa prej 3 mijë e 423 euro për 5 muaj. Ndërsa duke përfahirë edhe pagën, ai u pagua me mbi 12 mijë euro nga muaji janar deri në maj.
Përveç këtyre Kuvendi i Kosovës ka edhe dy nënkryetarë që vijnë nga komunitetet.
Bekim Arifi dhe Bahrim Shabani kanë marrë më pak shtesa nga buxheti i shtetit krahasuar me anëtarëyt e kryesisë që u përmendën deri më tash.
Bekim Arifi gjithsej për një periudhë kohore prej muajit janar deri në prill ka marrë afro 10 mijë euro duke përfshirë edhe pagat. Ndërsa shtesat e Arifit kapin vlerën 2 mijë e 120 euro.
I fundit në këtë listë është Bahrim Shabani, nëkryetar i Kuvendit nga komunitetet jo shumicë.
Shabani për 5 muaj ka marrë nga buxheti i shtetit vetëm shtesat për komisionet që arrijnë vlerën 1 mijë e 852 euro, ndërsa shuma totale duke përfshirë edhe pagën është 3 mijë 584 euro.
/Gazeta Infokus/
Të tjera
-
Ngjarjet e datës 8 maj
Kryeministri i Republikës së Kosovës, Albin Kurti, në 25-vjetorin e masakrës ...
-
Gazetarja Ardiana Thaçi Mehmeti cak i sulm*eve në grupin Albkings
Asociacioni i Gazetarëve të Kosovës me shqetësim të thellë i ka përcjellë rap...
-
Scholz: Siguria dhe stabiliteti i Ballkanit Perëndimor nuk duhet të merren si të mirëqena
Siguria dhe stabiliteti i shteteve të Ballkanit Perëndimor nuk mund të merren...
-
Hamiti: Imazhi i Kosovës më i keqi në historinë e vendit, ky është ndryshimi që bënë Vetëvendosje e Guxo
Muhamet Hamiti, anëtar i kryesisë së Lidhjes Demokratike të Kosovës (LDK)...
-
Lajçaku takon asistentin special të Bidenit, flasin për raportet BE-SHBA
I dërguari Special i Bashkimit Evropian për dialogun Kosovë-Serbi, Miroslav L...
-
Ndahet nga jeta infermieri dhe veterani i UÇK-së
Ish-veterani i Ushtrisë Çlirimtare të Kosovës dhe infermieri Skender Hoti, ng...
-
Behrami: Kurti është mjeshtër i manipulimit publik, krejt ka me i pranu
Sipas analistit Artan Behrami, kryeministri Albin Kurti është “mjështër i man...
-
Tubimi me rininë në Prishtinë, Abdixhiku përmend zgjedhjet: LDK e mobilizuar, e fortë përballë secilës betejë
Kreu i LDK-së, Lumir Abdixhiku, thotë se partia që ai udhëheq është e g...
-
Osmani tregon për takimet në Samitin e Biznesit SHBA-Afrikë: Mundësi e vlefshme për të nxitur më shumë bashkëpunim
Presidentja e Kosovës, Vjosa Osmani, ka marrë pjesë në Samitin e Biznesit SHB...
-
Maqedonci: Serbia po vazhdon me qasje agresore ndaj Kosovës
Ministri i Mbrojtjes i Kosovës, Ejup Maqedonci, duke folur në panelin “Mision...
-
Kurti: Dragashi dhe Graçanica janë përzgjedhur për të përfituar nga procesi i zvogëlimit të barrës administrative
Kryeministri i Kosovës, Albin Kurti, ka bërë të ditur se Dragashi dhe Graçani...
-
LDK: Keqardhje për këtë Qeveri që ka degraduar marrëdhëniet me ndërkombëtarët
Kryesia e Lidhjes Demokratike të Kosovës ka mbajtur sot mbledhjen e saj t...