MAShTI: Po përpiqemi të arrijmë një marrëveshje në nivel regjional për njohjen e diplomave, po pengon Serbia
Autori: Gazeta inFokus 14:11 | 11 February 2022
Njohja e diplomave universitare mes Kosovës dhe Serbisë ende mbetet e pazbatueshme nga të dyja palët, ndonëse Kosova për 5 vite ka njohur 1 mijë e 800 diploma të palës tjetër. Në Ministrinë e Arsimit, Shkencës, Teknologjisë dhe Inovacionit (MAShTI) thonë se janë duke përpjekje që në nivel regjional të arrijnë marrëveshje rreth njohjes së diplomave mes të gjitha shteteve të Ballkanit Perëndimor.
Por zëvendësministri i Arsimit, Dukagjin Pupovci tha se është delegacioni i Serbisë që ka insistuar që në raportin Kosovë – Serbi të zbatohet Marrëveshja e Brukselit, gjë që nuk përbën zgjidhje.
Pupovci në një konferencë për medie lidhur me aktivitetet e zhvilluara përgjatë dy javëve të fundit tha se Qeveria e Kosovës është në fazën e marrjes së një vendimi se si do të veprohet në të ardhmen.
“Për këtë ekziston një marrëveshje e vitit 2012 (nëse nuk gaboj) dhe kjo marrëveshje ka vite që nuk zbatohet sepse përfshinë në vete edhe palën e tretë, Asosiacionin e universiteteve evropiane, i cili thjesht është tërhequr nga roli i vet dhe nuk pranon më që t’i certifikojë diplomat e njërës palë për nustrifikim të palës tjetër, prandaj edhe procesi ka mbetur peng i mungesës së palës së tretë. Jemi duke bërë përpjekje që në nivel regjional të arrijmë marrëveshje rreth njohjes së diplomave mes të gjitha shteteve të Ballkanit Perëndimor, por këtu më duhet të them se delegacioni i Serbisë në këto negociata ka insistuar që në raportin Kosovë – Serbi të zbatohet marrëveshja e Brukselit, që na sjellë në situatën kur faktikisht diplomat nuk mund të njiheshin, dhe nuk kishte asnjë kuptim që të lidhej një marrëveshje e tillë, aq më tepër kur nuk kemi problem me Maqedoninë, Malin e Zi”, tha ai.
Pupopvci në këtë konferencë foli edhe për prioritetet e MAShT-it dhe planet strategjike.
Sipas tij, MAShTI karakterizohet me tri fjalë kyçe mbi të cilat veprohet: cilësi, gjithëpërfshirje dhe llogaridhënie në sistemin arsimor të Kosovës.
“Kur flasim për prioritetet, kisha dashur me u fokusu e ato janë: rritja domethënëse të pjesëmarrjes në edukimin e hershëm dhe përfshirjes në arsim përmes ndërtimit të çerdheve të reja dhe adaptimit të infrastrukturës ekzistuese, licencimit të mësimdhënësve, përmirësimit të cilësisë së teksteve shkollore, digjitalizimit dhe rritjes së besueshmërisë së testeve kombëtare; përmirësimin e cilësisë së arsimit… Në fushën e arsimit profesional, prioritet është përputhja e programeve në arsim profesional dhe në arsimin e lartë me nevojat e tregut të punës dhe përmbushja e standardeve të cilësisë, duke e mbështetur punën praktike”, tha Pupovci.
Zëvendësministri ka përmendur edhe njëherë pagesën e 32 zyrtarëve të nacionalitetit serbë, për të cilët, javën që shkoi gjatë raportimit në Komisionin Parlamentar për Mbikëqyrjen e Financave ka thënë se t’iu pezullohen pagat.
Sipas tij, pagat e tyre për muajin shkurt do të pezullohen me qëllim që të njëjtit të paraqiten te punëdhënësi dhe t’i pranojnë detyrat e tyre të punës ose të deklarohen se a dëshirojnë të punojnë.
Të tjera
-
Krasniqi për qeverinë Kurti: Jeni qeveri e turpit, e keni humbur rrugën, sot po “festojmë” 1 vjetorin e sanksioneve
Deputetja nga radhët e Lidhjes Demokratike të Kosovës, Rrezarta Krasniqi, ka ...
-
Përparim Rama paguan 102 mijë euro për asgjësim të barnave pa afat
Kuvendi Komunal i Prishtinës ka nënshkruar kontratë për asgjësimin e barnave ...
-
Prishtinë: Një personit i grabiten para të gatshme
Një person në Prishtinë ka njoftuar Policinë e Kosovës se një person i maksua...
-
Vetëvendosje thyen heshtjen për audio-incizimin e Kusari-Lilës me Radojçiqin
Zëdhënësi i Lëvizjes Vetëvendosje, Arlind Manxhuka ka thyer heshtjen e partis...
-
Burri dhe gruaja rrїhền mes vete në Pejë
Një çift bashkëshortor janë rrahur në qytetin e Pejës pas një mosmarrëveshje,...
-
Haki Abazi e quan Kurtin palaço pas takimit me Pamuk: As LGBTI+, as deputetët e besimit musliman nuk janë më naivë të të besojnë
Ish deputeti i Lëvizjes Vetëvendosje, tashmë deputet i pavarur, Haki Abazi ka...
-
Një ditë pas zgjedhjes së presidentes së parë grua, vri*et kryebashkiakja në Meksikë
Më 23 shtator 2023, emri i kryebashkiakes, Yolanda Sanchez Figueroa bëri jeho...
-
Limak shpërblen punonjësit me pagën e 13’të
Limak shpërblen punonjësit me bonus për një vit të suksesshëm në 2023. Punonj...
-
Joseph: Qeveria ta dërgojë projektstatutin e hartuar nga SHBA-ja dhe t’ia lërë në dorë Gjykatës Kushtetuese të vendosë pwr Asociacionin
Eksperti nga Shkolla për Studime të Avancuara Ndërkombëtare pranë Universitet...
-
Kajtazi: Një pushteti me 50.1% ia mbylli gojën zemlaku, Radojçiqi
Pas publikimit të pjesës së shkurtër të bisedës mes Shefes së Grupit Parlamen...
-
Dyshohet se është i përfshirë në vra *jen e policit Triumf Riza, i vazhdohet paraburgimi Ilir Abdullahut
Ilir Abdullahut i njohur si Liza, i është vazhduar paraburgimi edhe dy muaj. ...
-
Kurti takohet me Orhan Pamuk: Nuk e besova që po më fton për darkë
Kryeministri Albin Kurti është takuar me shkrimin e njohur turk, Orhan Pamuk....