Lajme

MASHT-i shprehet i gatshëm për implementimin e kornizës së re të kurrikulës

Autori: Gazeta inFokus 09:04 | 18 August 2017

Që nga shtatori, kur edhe do të nisë fillimi i vitit të ri shkollor 2017/2018, pritet të fillohet me kornizën e re të kurrikulës për klasën e parë, të gjashtë dhe të dhjetë në arsimin parauniversitar, shkruan sot “Koha Ditore”.

Ministria e Arsimit, Shkencës dhe Teknologjisë (MASHT) thotë se kurrikula e re për këto klasë do të nisë në të gjitha shkollat e Kosovës me përjashtim të shkollave profesionale.

Korniza e re e kurrikulës, sipas MASHT-it, nënkupton kalimin nga një kornizë që është bazuar në përmbajtje, në një kornizë të bazuar në kompetenca dhe shkathtësi, me qëllim që mësimi të jetë sa më praktik dhe në përputhshmëri me tregun e punës.

-Advertisement-

Ushtruesi i detyrës së drejtorit për zhvillimin e arsimit parauniversitar, Mustafë Kadriu, ka deklaruar për gazetën se kurrikula e re është pilotuar në dy vjetët e kaluar e për këtë ka shprehur optimizëm se do të ketë rezultate të mira.

Subscribe në YouTube: GAZETA INFOKUSI
Etiketa:

Të tjera

Fokusi

lajme