Lajme

MASHT-i mohon që testi i maturës u shpërnda online, faktet thonë ndryshe

Autori: Gazeta inFokus 11:04 | 12 June 2019

Maturantët e rajonit të Prishtinës janë mobilizuar që të kopjojnë për testin e Maturës, ku pjesa e parë e këtij testi do të mbahet sot, ata kanë krijuar grupe të ndryshme në rrjetet sociale si Facebook, Viber e të tjera.

Ashtu sikur viteve të kaluara në grupet e krijuara maturantët pritet të shkëmbejnë pyetjet dhe përgjigjet e testeve kështu duke ndihmuar njëri-tjetrin që ta kalojnë këtë test të arritshmërisë.

Por kryetari i Komisionit Shtetëror të Maturës, Fehmi Hysenaj ka thënë për Telegrafin se maturantët nuk do të mund të hyjnë në test me telefona kështu që gjasat për kopjim janë të vogla.

“Asnjë komisioner nuk do të fillojë testimet pa u siguruar që asnjë nxënës të mos ketë telefon, pyetjet maturantët ende nuk i kanë marrë do të fillojnë të shpërndahen pas orës 10:00”, deklaroi Hysenaj.

Ai bëri të ditur se për shkak të procedurave të Bankës Botërorë, nuk kanë arritur që t’i ndalin valët e telefonave në objektet ku mbahet testi i maturës.

Ndërkohë nw njw grup në Facebook “Testi i maturës 2019” njw grup i nxwnws kanw dwrguar fotografi nga salla ku po mbahen testi duke kwrkuar pwrgjigjet.

Të tjera