Lajme

Marshohet kundër vrasjes së grave

Autori: Gazeta inFokus 10:47 | 08 March 2022

Në Ditën e Gruas sot po marshohet.

Grupi organizativ “Marshojmë S’festojmë”, e kanë nisur protestën sot nga ora 10:00 duke marshuar prej Pallatit të Drejtësisë për të kundërshtuar dhunën ndaj grave, e që në fund ato edhe vriten nga gjinia e kundërt.

Ky grup organizativ, marshin do ta vazhdojë më pas te rrethi i flamurit, në sheshin “Zahir Pajaziti”, duke vazhduar deri tek objekti i Qeverisë së Kosovës.

-Advertisement-

Marshi përveç në Prishtinë, do të mbahet edhe në Obiliq, Mitrovicë, Pejë, Rahovec dhe Gjilan.

Sipas organizatorëve të marshit, janë gjykatat, prokuroria dhe mbrojtësit e viktimave, një nga shkaktarët kryesorë që kanë rezultuar që nga viti 2010, 48 gra të vriten nga burrat në Kosovë.

Ndryshe, Kodi Penal i Kosovës, dënimin më të rëndë për vrasje parasheh dënimin me burgim të përjetshëm.