Lajme

Marrëveshja ndërmjet Kosovës dhe Serbisë, kështu reagon kreu i OVL-UÇK-së

Autori: Gazeta inFokus 14:12 | 30 September 2021

Marrëveshja ndërmjet Kosovës dhe Serbisë, kështu reagon kreu i OVL-UÇK-së
Është arritur marrëveshja mes Kosovës dhe Serbisë lidhur me çështjen e targave, shkruan Gazeta Infokus.

Ndaj kësaj marrëveshje ka reaguar ushtruesi i detyrës së kryetarit të OVLUÇK-së, Faton Klinaku.

Ai ka thënë se një marrëveshje të tillë nuk është dashur fare të negociohet për pjesën ku thuhet se KFOR-i do të vendoset në të dyja pikat kufitare me Serbinë.

Klinaku ndër të tjera ka thënë se këso marrëveshje janë bërë edhe më herët, por nuk ka pasur zgjidhje të problemit.

“Për futje të KFOR-it në pikat kufitare, nuk ka pasur edhe nevojë të bisedohet në Bruksel. Bisedime e marrëveshje teknike mund të ketë por jo edhe zgjidhje politike të problemit. E, zgjidhja më e mirë politike e problemit, bëhet vetëm me Kosovën Lindore në tavolinën e bisedimeve”, ka përfunduar Klinaku. /Gazeta Infokus/

Të tjera