Lajme

Maqedonia do të emetojë një euro-obligacion të ri në fund të vitit 2017?

Autori: Gazeta inFokus 11:45 | 27 April 2017

Portali Intellinews shkruan se Qeveria e Maqedonisë po mendohet që të emetojë një euro-obligacion në çerekun e katërt të vitit 2017 për të paguar borxhet e vitit të ardhshëm, përcjell Telegrafi Maqedoni.

 Ky lajm bazohet në të dhëna të Raiffeisen Bank International (RBI). Një euro-obligacion shtatëvjeçarë prej 450 milionë euro u emetua në vitin e kaluar, hap që u vu kontestua nga opozita në Maqedoni.

Sipas këtij portali, RBI ka ngritur shqetësime për planet investuese qeveritare për këtë vit. Ministri i Financave ka deklaruar për Intellinews se vendimi për të emetuar një euro-obligacion tjetër varet nga gjendja e çmimit në treg.

RBI shprehet se plani shtetëror për investime mund që të ngritë borxhin publik nga 48% të BPV-së në 55% dhe mund të sjellë një situatë sikur ajo në Mal të Zi që shkaktoi shqetësime në financat publike dhe likuiditetin e jashtëm. Analizën e plotë e gjeni në këtë vegëz./Telegrafi/

-Advertisement-

Subscribe në YouTube: GAZETA INFOKUSI
Etiketa:

Të tjera

Fokusi

lajme