Lajme

Maqedoni, mbi gjysmë milion euro për të shënuar festat shtetërore

Autori: Gazeta inFokus 19:43 | 01 August 2023

Mbi gjysmë milion euro do të shpenzohen për shënimin e festave siç janë 22 vjetori i Marrëveshjes së Ohrit, 2 Gushti – Dita e Republikës, 8 Shtatori, Dita e Pavarësisë, 11 Tetori – Dita e kryengritjes popullore dhe 8 Dhjetori – Dita e Shën Klimenti i Ohrit.

Edhe sivjet, ashtu siç ishte vitin e kaluar, rreth 100 mijë euro do të kushtojë 22 vjetori i Marrëveshjes së Ohrit. Edhe sivjet tenderin e fitoi “Arbëria Design”.

Kompania “Skopje Film Studio” është angazhuar në krijimin dhe realizimin e aktiviteteve për katër festat tjera shtetërore, kurse për këtë punë do të ndahen 350 mijë euro.

-Advertisement-

E njëjta kompani, “Skopje Film Studio”, është angazhuar edhe për të realizuar një manifestimin “Open Balkan”, për të cilën janë planifikuar të shpenzohen 150 mijë euro.