Lajme

Maqedonci: FSK-ja i tejkalon shumë prej ushtrive të Ballkanit

Autori: Gazeta inFokus 18:31 | 06 October 2024

Ministri i Mbrojtjes, Ejup Maqedonci, ka thurrur lavde për ushtarët e Forcës së Sigurisë së Kosovës.

Ai ka deklaruar se FSK-ja në kuadër të kapaciteteve i tejkalon disa prej vendeve të Ballkanit.

Maqedonci është shprehur gjatë kësaj qeverisjes mbi tre vjeçare është rritur blerja e pajisjeve ushtarake, por me çmime më të ulëta se viteve të kaluara.

-Advertisement-

“Sisteme Bayraktar, sisteme strategjike Javelin, që jemi në proces të ekzekutimit të pagesave për t’i pasur si pjesë e inventarit. Ka edhe shumë sisteme të tjera që po prokurohen dhe janë sisteme të rëndësishme për fuqizim të kapaciteteve luftarake. Mund të themi që jo vetëm që s’ka qenë më e fuqishme, por ushtria jona është e krahasueshme me vendet e Ballkanit dhe i tejkalon shumë prej tyre”, ka thënë Maqedonci të dielën në Këshillin e Përgjithshëm të Lëvizjes Vetëvendosje.

Ministri i Mbrotjes tha se FSK-ja do të jetë pjesë e stërvitjeve ushtarake “Defender Europe 2025”.

Subscribe në YouTube: GAZETA INFOKUSI
-Advertisement-

Të tjera

Fokusi

lajme