Lajme

Mandati i Xhaçkës, shqyrtohet në Gjykatën Kushtetuese të Shqipërisë kërkesa e opozitës

Autori: Gazeta inFokus 13:13 | 18 January 2023

Gjykata Kushtetuese në Shqipëri po shqyrton sot dy kërkesa të Grupit Parlamentar të PD-së lidhur me mandatin e ministres së Punëve të Jashtme, Olta Xhaçka.

Kushtetuesja ka vendosur që brenda të njëjtës ditë do të trajtohen dy padi.

Opozita ka argumentuar në kërkesën për Gjykatën Kushtetuese se mandati i deputetes së Partisë Socialiste, Olta Xhaçka, është i pavlefshëm për shkak se bashkëshorti i saj ka përfituar pasuri publike me shpalljen si investitor strategjik nga lomiteti i drejtuar nga Rama.

-Advertisement-

Kompania që do të ndërtojë një resort luksoz në bregdetin e jugut, ka marrë nga qeveria në përdorim për 30 vjet një plazh në Dhërmi.

Duke iu referuar Ligjit për Konfliktin e Interesit, deputetët demokratë sjellin si argument se përfitimet nga pasuria publike e bashkëshortit të ministres janë njësoj sikur të ishin të regjistruara në emër të vetë ministres. Prandaj, sipas tyre, Gjykata Kushtetuese duhet të vendosë për heqjen e mandatit të deputetes Olta Xhaçka.

Vetë ministrja i ka hedhur poshtë më herët këto akuza dhe është shprehur se nuk ka asgjë të paligjshme në vendimet e qeverisë.

Partia Socialiste ka rrëzuar dy herë kërkesat e opozitës për ngritjen e një komisioni hetimor për investimet strategjike, që do të përfshinte edhe hetimin e përfitimit të pasurisë publike nga bashkëshorti dhe familjarë të tjerë të Xhaçkës.

Subscribe në YouTube: GAZETA INFOKUSI
Etiketa:
BKT Kosova vlerësohet për herë të tretë "Banka e Vitit 2023 në Kosovë" nga The Banker
-Advertisement-

Të tjera

Fokusi

lajme