Lajme

Malishevë, pas vdekjes 57 vjeçari rezulton pozitiv me Covid-19

Autori: Gazeta inFokus 09:38 | 12 July 2020

Nga Komuna e Malishevës bëjnë të ditur se atje janë konfirmuar tri raste të reja të prekur me Covid-19, ku njëri prej tyre është konfirmuar pas vdekjes.

“Personi që ka vdekur sot në orët e para mëngjesit, H.E. (1963) nga fshati Ngucat, pasi ka ndërruar jetë është konfirmuar, se ka qenë i prekur edhe me COVID-19. Ky rast e shënon personin e katërt të vdekur në Komunën e Malishevës, të prekur edhe me COVID-19”.

“Gjendja aktuale me COVID-19 në Komunën e Malishevës, është kjo: nga 90 të prekur, 76 janë shëruar, 10 janë aktiv dhe 4 persona kanë vdekur”.

-Advertisement-

“Shtabi Komunal Emergjent, përsëri ju bën thirrje të gjithë qytetarëve që të zbatojnë masat dhe rekomandimet e profesionistëve shëndetësorë, për mbajtje të maskave, mbajtje të distancës, mos frekuentim të vendeve ku ka grumbuj të njerëzve dhe pastrim të shpeshtë të duarve. “Respektimi i masave dhe i rekomandimeve, është arma e vetme për tu mbrojtur nga kjo pandemi”, ka thënë nënkryetari i Malishevës, Hajdin Berisha, në emër të shtabit komunal emergjent, duke kërkuar nga të gjithë qytetarët që të respektojnë masat dhe rekomandimet e institucioneve shëndetësore”, thuhet në njoftimin e Komunës së Malishevës.

Subscribe në YouTube: GAZETA INFOKUSI

Të tjera

Fokusi

lajme