Lajme

Mali i Zi do t’i dhurojë Ukrainës 11 për qind të buxhetit ushtarak

Autori: Gazeta inFokus 15:15 | 06 December 2022

Mali i Zi do t’i dhurojë Ukrainës 11 për qind të buxhetit të tij ushtarak, tha të hënën zyra e kryeministrit.

Dhurimi, së bashku me “pritjen e mijëra refugjatëve”, tregon “vendosmërinë e qartë të qeverisë malazeze për të mbështetur mbrojtjen e ukrainasve”, thuhet në deklaratën e Zyrës së kryeministrit të Malit të Zi, Dritan Abazoviq.

Abazoviqi dhe presidenti ukrainas Zelensky, kanë nënshkruar një deklaratë të përbashkët të hënën, sipas kanalit Telegram të Zelensky, transmeton Klankosova.tv.

-Advertisement-

“Sot ne nënshkruam Deklaratën e Përbashkët, e cila përcakton fushat prioritare të bashkëpunimit ndërmjet Ukrainës dhe Malit të Zi në kuadër të kursit strategjik të vendit tonë për anëtarësimin e plotë në NATO”, tha Zelensky në postimin në Telegram.

“I jam mirënjohës Malit të Zi për mbështetjen e fortë politike dhe ndihmën e rëndësishme praktike për Ukrainën”, shtoi ai.

Ndërkohë, Abazoviq tha në Twitter se Mali i Zi “dëshiron paqe”.

 

Subscribe në YouTube: GAZETA INFOKUSI

Të tjera

Fokusi

lajme