Lajme

Makinën e merr uji, babë e bir humbin jetën në Malësinë e Madhe

Autori: Gazeta inFokus 16:28 | 20 November 2022

Një makinë në të cilën po udhëtonin babai dhe dy fëmijët e mitur është marrë nga uji. Ngjarja është shënuar në ujërat e Përroit të Thate në Bogë të Malësisë së Madhe, raporton Abcnews.al, transmeton KlanKosova.tv.

Sipas raportit të policisë, thuhet se babai dhe djali kanë ndërruar jetë dhe janë marrë nga uji,  ndërsa vajza ka arritur të shpëtojë pasi është ndihmuar nga një banor i zonës.

“Në momentin që rrjedha e ujit ka marrë përpara automjetin që drejtohej nga shtetasi P. R., rreth 50 vjeç, vajza ka mundur të dalë dhe është ndihmuar nga një banor i zonës. Vajza ndodhet jashtë rrezikut për jetën, ndërsa babanë e vajzës dhe vëllanë e saj i ka marrë rrjedhja e ujit”, thuhet në raport.

-Advertisement-

Në vendngjarje ndodhen polumbarët e RENEA-s, grupi i evakuim-shpëtimit, grupi alpin i FNSH-së, Shkodër, emergjencat civile dhe shërbimet e Komisariatit të Policisë Malësi e Madhe, të cilët po punojnë për gjetjen e dy trupave.

Subscribe në YouTube: GAZETA INFOKUSI
Çka do të thotë të gatuash shqip?
-Advertisement-

Të tjera

Fokusi

lajme