Rajoni dhe Bota

Mafia kontrollonte qendrën e emigrantëve, arrestime në Itali

Autori: Gazeta inFokus 17:15 | 15 May 2017

Një prej qendrave më të mëdha të emingratëve në Itali ishte në duart e mafias prej më shumë se një dekade.

Policia italiane njoftoi se klani “Arena” fitonte shuma kolosale parash, duke siguruar shërbime në kampin e “Isola di Capo Rizzuto”, në jug të Italisë, dhe duke vjedhur fondet shtetërore.

Klani fshihej pas një organizate bamirëse katolike lokale, e cila drejtonte zyrtarisht qendrën. Skandali u zbulua të hënën pas një operacioni kolosal policor, si pasojë e të cilit u arrestuan 68 persona, mes të cilëve edhe një prift.

-Advertisement-

Në pranga ra edhe Leonardo Sacco, kreu i Shoqatës “Mëshira katolike”, që gjoja drejtonte qendrën e emigrantëve “Sant’anna Cara”.

Në qendër, që kur ajo është hapur vite më parë, ka pasur gjithnjë një numër mesatar prej 1.500 emigrantësh. Autoritetet italiane dyshojnë se klani “Arena”, pjesë e sindikatës së fuqishme të krimit “Ndrangheta”, mund të ketë përvetësuar të paktën një të tretën e 100 milionë eurove të destinuara për qendrën gjatë 10 viteve të fundit.

Një prej prokurorëve tha se prifti i arrestuar, që u identifikua si Edoardo Scordio, vetëm gjatë këtij viti kishte marrë 132 mijë euro për shërbime shpirtërore. Operacioni dhe arrestimet e kryera nga policia e Catanzaros vijnë dy vite pasi revista “L’Espresso” publikoi një hetim, në të cilën fliste për pasurimin e menaxherëve të qendrës përmes vjedhjes së fondeve dhe lënies pa ushqim të emigrantëve në qendër.

Sipas autoriteteve, qendra e emigrantëve ishte shndërruar në një makineri printimi parash për krimin e organizuar.

Subscribe në YouTube: GAZETA INFOKUSI
Intervistë: Dr. Gorazd Konjanovski – Klinika Zhan Mitrev ka luajtur një rol kyç në vendosjen e themeleve në kardiokirurgji dhe…

Të tjera