Lajme

LVV hedh akuza drejt Thaçit

Autori: Gazeta inFokus 09:28 | 24 July 2017

Lëvizja “Vetëvendosje” ka akuzuar presidentin Thaçi se është vënë tërësisht në shërbim të koalicionit PAN duke mos zvarritur thirrjen e seancës konstituive.

Ismajl Kurteshi, nga kjo parti, ka thënë për gazetën “Zëri” se kur do të thirret seanca nuk e di as presidenti, pasi Thaçi po pret derisa PAN-i t’i bëj numrat. “Përgjigjen për shtyrjen e thirrjes së seancës nuk e ka as ai që po e bën shtyrjen. Sikur t’i kishin numrat edhe natën do ta thërrisnin seancën.

Po bëhet një zvarritje që sikur të bëhej nga PAN-i kishte qenë në rregull, por po bëhet prej njeriut i cili po pretendon të jetë unifikues, atëherë kjo është gjë e keqe. Nuk ka arsye ta shtyjë dhe nuk është në rregull presidenti të vihet në shërbim të një koalicioni që ta thërrasë seancën vetëm kur ata t’i bëjnë numrat”, tha Kurteshi, transmeton zeri.info.

-Advertisement-

Ndërsa nënkryetari i LDK-së, Lufti Haziri, ka thënë se aktualisht ka shumë spekulime për datat e mbajtjes së seancës. “Nuk kemi të bëjmë me shtyrje, kemi të bëjmë më shumë me spekulime për data. Përderisa presidenti nuk e ka ftuar me mandat kushtetues takimin e inaugurimit të seancës dhe funksionalizimit të Kuvendit, atëherë nuk kemi pasur data edhe sot e asaj dite”, tha ai

Subscribe në YouTube: GAZETA INFOKUSI