Fokus

LVV emëron fshehurazi aktivistin e partisë në krye të ndërmarrjeve publike

Autori: Hateme Smajli 19:35 | 02 June 2023

Punësimet në baza partiake e militantiste duket se nuk po kanë fund me qeverinë Kurti. Edhe një punësim që tentohet të tejkalohet në heshtje e pa zhurmë.

Militanti e aktivisti i partisë në pushtet, Valon Prebreza është emëruar në krye të ndërmarrjeve publike në vend. Ai ka marrë postin e drejtorit të Njësisë për Politikat dhe Monitorimin e Ndërmarrjeve Publike, që është në kuadër të Ministrisë së Ekonomisë.

Lobimi i Prebrezëz për Lëvizjen Vetëvendosje ka filluar qysh para ardhjes në pushtet të kësaj partie në vitin 2021.

Madje këto takime ku lobohej për VV-në u rikujtuan e u rishpërndanë edhe në vitin 2022.

Por takimet më të shpeshta e më të përzemërta, militanti i flaktë duket ti ketë pasur me ministrin e Infrastrukturës, Liburn Aliun.

Sipas fotografive të publikuara në profilin e tij, afërsi shihet të ketë edhe me deputeten Fitore Pacolli. Njëjte sikurse edhe me zëvendësministrin, Avni Zogjani. Në shoqërinë e tyre edhe në neja private e në ditelindje. Përveç fotografive të shumta edhe brenda zyrave të Vetëvendosjes.

Si u bë e ditur se Valon Prebreza erdhi në krye të ndërmarrjeve publike?

Nga Ministria e Ekonomisë nuk pati asnjë njoftim zyrtar se Prebreza ishte vendosur në këtë pozitë, dhe as në media nuk u dërgua ndonjë komunikatë nga ministria në krye me Artane Rizvanollin.

Mirëpo kjo u bë e ditur në një postim të bërë sot në faqen zyrtare të Ministrisë së Ekonomisë në Facebook, ku është njoftuar për investime në disa ndërmarrje publike në vlerë prej më shumë se 1 milionë euro, në hekurudha dhe në ujësjellës.

“Zëvendësministri i Ekonomisë, Getoar Mjeku dhe drejtori i ri i Njësisë për Politikat dhe Monitorimin e Ndërmarrjeve Publike, Valon Prebreza kanë lidhur një varg marrëveshjesh për financimin e projekteve kapitale të hekurudhave dhe ujësjellësit”, thuhej në këtë njoftim.

Kjo nuk është hera e parë që partia në pushtet tenton që të kalojë në heshtje punësimet partiake e familjare. E në lidhje me këtë Gazeta Infokus kishte publikuar edhe një dokumentar ku përfshiheshin të gjitha punësimet e këtij lloji të bëra nga qeveria Kurti qysh kur mori mandatin.

NDIQENI:

/Gazeta Infokus/

 



Anëtarësohu në grupin e Infokus në Viber: GAZETA INFOKUS – VIBER – ANTARËSOHU

Dhe në grupin e Infokus në Facebook: GAZETA INFOKUS – FACEBOOK – ANTARËSOHU

Auto Llapi po vazhdon zgjerimin, kompaninë lidere për auto pjesë tani mund ta gjeni edhe në Podujevë

Të tjera

Fokusi

fokus