Lajme

Lutfi Haziri kërkon evitimin e vizitat për ngushëllime

Autori: Gazeta inFokus 14:16 | 25 November 2020

Kryetari i Gjilanit, Lutfi Haziri ka kërkuar nga qytetarët e kësaj komune që t’i evitojnë vizitat dhe pritjet për ngushëllime në këtë kohë kur Gjilani e Kosova po përballet me gjendje alarmante të përhapjes së virusit, shkruan Gazeta inFokus.

“Gjilani vazhdon të jetë në zonën me rrezikshmëri të lartë dhe ju lutem që t’i zbatoni rekomandimet sepse bartja e maskës, higjiena dhe distanca, janë masat e vetme që nuk lejojnë bartjen e infeksionit. Vizitat dhe pritjet për ngushëllime janë të ndaluara. Përkundër traditës dhe dhimbjes, mos lejoni që të infektohen fqinjët dhe familjarët”, ka thënë Haziri në konferencën e sotme për media, pas mbledhjes së Komitetit për menaxhimin dhe parandalimin e përhapjes së COVID-19.
Tutje ka thënë se situata me infeksion edhe më tutje është alarmante, duke shtuar se po punojnë me të gjitha kapacitetet për ta ulur këtë numër, derisa kërkoi që me solidaritet të përballohet situata.

Gjendja e përgjithshme në Gjilan është alarmante. Nga 6344 të testuar, 2432 kanë rezultuar pozitivë, 1872 janë, të vdekur janë 71 persona, 488 raste aktive dhe 193 mostra në pritje./Gazeta inFokus/

Të tjera