Lajme

Lutfi Haziri e lë në “rend të dytë” kryetarin e Gjilanit

Autori: Gazeta inFokus 19:00 | 18 December 2024

Në shënimin e 15-vjetorit të Shoqatës “Jetimat e Ballkanit”, e drejtuar nga humanisti Halil Kastrati, u përkujtuan aksionet e shumta humanitare që kanë ndryshuar jetën e qindra familjeve. Mes tyre, u veçua aksioni “Pak nga ne, shumë për ata”, përmes të cilit u ndërtuan 164 shtëpi, ndërsa qindra të tjera u rinovuan.

Gjatë ceremonisë, u përmend kontributi i madh i Shoqatës dhe përkushtimi i Halil Kastratit në zbutjen e gjendjes së rëndë për shumë familje në komunën e Gjilanit dhe përtej saj.

Ish-kryetari i Gjilanit, Lutfi Haziri, u vu në qendër të vëmendjes duke lënë në hije kryetarin aktual të Komunës, Alban Hysenin pasi falënderoi personalisht z.Kastrati dhe Shoqatën për bashkëpunimin gjatë mandatit të tij.

-Advertisement-

Ai nënvizoi se shumë projekte humanitare u realizuan gjatë periudhës kur ai drejtonte komunën, duke shfaqur krenari për rezultatet e arritura.

Lutfi Haziri mbetet një figurë e spikatur në politikën lokale dhe kombëtare, duke shënuar disa arritje unike gjatë karrierës së tij. Ai ka qenë kryetari më i ri në Kosovë i zgjedhur me votë të qytetarëve pas luftës, duke u shpallur më pas edhe kryetari më i ri në Evropën Juglindore në nivel të pushtetit lokal.

Pavarësisht kalimit të viteve dhe sfidave në skenën politike, Haziri vazhdon të jetë një ndër politikanët më të pëlqyer nga qytetarët e Gjilanit.

Subscribe në YouTube: GAZETA INFOKUSI
E PREMTJA E BARDHË NË ETC ME ZBRITJE DERI 50%
-Advertisement-

Të tjera

Fokusi

lajme