Sport

Lushtaku tregon se ku dështoi Drenica në duel me Feronikelin

Autori: Gazeta inFokus 16:56 | 31 October 2018

Drenica ka pësuar edhe disfatën e dytë rradhazi, derisa në kuadër të javës së 13-të u mposht nga “fqinjtë” e Feronikelit me rezultat 2-1.

Megjithëse rezultati tregon se Drenica nuk ishte edhe aq larg për të importuar një pikë nga “Rexhep Rexhepi”, kryetrajneri i kuqezinjëve Tahir Lushtaku tregon se ku dështoi skuadra e tij në këtë përballje.

“Duhet pranuar që Feronikeli ishte një skuadër më e mirë se ne duke krijuar shumë mundësi shënimi. Ne patëm momentet tona dhe aty është dashur ta ndëshkojmë kundërshtarin, por treguam papjekuri në repartin sulmues. Kishim marrë gjithë masat e nevojshme në mbrojtje për ta ndalur lojën në ajër të Feronikelit por kemi dështuar totalisht në këtë aspekt. Asnjë top brenda zonës nuk e kemi fituar dhe kemi bërë shumë gabime në repartin e mbrojtjes, sidomos në dy krahët dhe për këtë nuk mund të jem shumë i kënaqur”, deklaroi Tahir Lushtaku pas ndeshjes për “Super Sport Kosova”.

-Advertisement-

Tekniku i kuqezinjëve gjithashtu foli për lënien në stol të disa prej futbollistëve titullarë, duke thënë se orari i ngjeshur i ndeshjeve ka bërë që të pushohen disa nga futbollsitët startues.

Drenica pas kësaj humbje zbret në pozitën e shtatë me 18 pikë të grumbulluara.

Subscribe në YouTube: GAZETA INFOKUSI