Lajme

Lushtaku publikon videon kur Kurti e krahasonte Erdoganin me Putinin: Ta falni këtë hipokrit

Autori: Gazeta inFokus 21:40 | 03 February 2023

Deputeti i PDK-së, Mërgim Lushtaku ka reaguar pas vizitës së Kryeministrit të Kosovës, Albin Kurti në Turqi.

Lushtaku i është drejtuar Presidentit turk, Erdogan që ta falë Kurtin, pasi thotë se është hipokrit.

“I nderuar President i shtetit mik të Turqisë, z. Erdogan, ju lutem që në emër të raporteve miqësore ndërshtetërore ta falni këtë hipokrit. Çünkü bu ikiyüzlülük yapmak için doğdu (sepse ka lindur për të qenë hipokrit)!”, ka shkruar Lushtaku.

-Advertisement-

Këtij shkrimi, Lushtaku ia ka bashkangjitur edhe një video, ku dëgjohet Kurti para disa viteve duke thënë se Erdogani është autokrat.

Kurti në këtë video të publikuar nga Lushtaku dëgjohet duke e krahasuar Erdoganin me Viktor Orbanin, Vuçiqin, Gjukanoviqin, Putinin, Gruevskin.

“Nuk mund të them se Turqia është një vend demokratik, më shumë është një vend autokraci, por nuk është as dikatur. Dhe fatkeqësisht jetojmë në kohën kur autokracitë janë me modë, edhe Viktor Orban, edhe Putini edhe Gruevcki edhe Gjukanoviqi. Najshëm qysh po bëjnë edhe autokratët e tjerë në Ballkan dhe në Lindje përgjithësi. Prej Viktor Orbanit në Hungari, Vuçiqit në Serbi, Gjukanoviqit Mal të Zi, të Gruevski në Maqedoni, e deri të Erdogani në Turqi e Putini në Rusi ka një tendencë autokratike”, thotë Kurti në videon e publikuar nga deputeti i PDK-së.

Subscribe në YouTube: GAZETA INFOKUSI
Oferta ekstreme e majit – dyshek memory 100€ më lirë!
-Advertisement-

Të tjera

Fokusi

lajme