Lajme

Lushtaku: As një mijë euro dëmi që shkaktuam me shishe në kuvend

Autori: Gazeta inFokus 09:19 | 06 May 2022

Deputeti i Partisë Demokratike të Kosovës, Mërgim Lushtaku, ka folur për dëmin që e shkaktuan në Parlamentin e Kosovës, pas goditjes së tavolinave me shishe.

Sipas tij, kjo ishte dëmi më i vogël që do t’ia bënin kuvendit në një rrethanë të tillë politike, kur bëhet fjalë, siç thotë ai, për respektimin e kushtetutshmërisë dhe ligjeve të Republikës së Kosovës.

“Është forma më e dëmshme e vogël në këtë rrethanë politike që ne të kundërshtojmë dhe të bëjmë efektin e duhur që të mos ketë mbarëvajtje të seancës, edhe pse u bë zhurmë e madhe, nuk u ndaluam.

-Advertisement-

“Zgjidhja më e mirë do të ishte që të respektonin nga fillimi atë që e kemi kërkuar deri më sot.

Sigurisht, protesta është e garantuar edhe me Kushtetutë. Ne kishim synim edhe të protestojmë. Atë e kemi bërë edhe në Kuvendin e Kosovës. Dhe nëse ne si deputetë nuk arrijmë që të respektojmë dhe t’i nënshtrohemi Kushtetutës së Kosovës, atëherë për çfarë opozite bëhet fjalë”, tha ai.

Tutje në Edicionin Special të Klan Kosovës, Lushtaku pohoi se dëmi që e kanë shkaktuar nuk arrin shifrën as njëmijë euro, shkruan Telegrafi.

“Besoj që mjeti që ne të arrijmë qëllimin që të respektohet Kushtetuta është më i madh sesa vetë një dëmtim i vogël, ky dëmtim nuk kushton as një mijë euro për të rregulluar këtë dëm që është bërë. Por, është një dëm edhe më i madh që po duam ta parandalojmë”.

”Janë diku rreth 150 milionë euro që flitet se janë keqpërdorur një kohë, kur dihet që ka pasur mjaftueshëm energji elektrike dhe nuk ka pasur nevojë fare për import energjie elektrike në Kosovë. E vetmja formë për të vetëdijesuar dhe për të arritur kushtetutshmërinë e 40 deputetëve ishte kjo”.

Subscribe në YouTube: GAZETA INFOKUSI
Vrasja e Lulzim Fejzullahut, vjen reagimi i parë nga ministrja Haxhiu

Të tjera