Lajme

Lumir Abdixhiku pas rezultateve preliminare: Rritje e LDK-së, por ende jo e mjaftueshme për ndryshim të madh

Autori: Gazeta inFokus 11:45 | 10 February 2025

Kryetari i Lidhjes Demokratike të Kosovës Lumir Abdixhiku, ka reaguar pas publikimit të rezultateve preliminare të zgjedhjeve, ku LDK aktualisht renditet e treta me 17.57% të votave.

Në një status në rrjetin social facebook, Abdixhiku shprehu mirënjohje për të gjithë votuesit, qytetarët dhe aktivistët e partisë për angazhimin dhe mbështetjen e treguar gjatë fushatës.

Ai theksoi përkushtimin e LDK-së për ta përfaqësuar qytetarin dhe Republikën e Kosovës me përgjegjësi dhe përkushtim.

-Advertisement-

Megjithëse vlerësoi rritjen e mbështetjes për partinë, Abdixhiku pranoi se ajo ende nuk është e mjaftueshme për të sjellë ndryshime të menjëhershme në nivel shtetëror.

“Rritja jonë na jep mundësinë për një organizim më të mirë të brendshëm – dhe për këtë do të mbetem krenar”.

Por, kjo rritje nuk është e mjaftueshme për të sjellë ndryshimin e madh që duam për Republikën – dhe kjo më bën të ndjej keqardhje”, shkroi ai.

Ai shtoi se numërimi i votave vazhdon, sidomos atyre nga diaspora, dhe se pas përfundimit të procesit, LDK do të shpalosë qëndrimet e saj politike.

“Pavarësisht gjithçkaje, besoj se e ardhmja sjell dritë!”, përfundoi Abdixhiku.

Subscribe në YouTube: GAZETA INFOKUSI
Lansohet aplikacioni më i ri i lojalitetit që sjell t’mira pafund Kartela Plus!
-Advertisement-

Të tjera

Fokusi

lajme