“Lulëzojnë” pompat e derivateve, shumë pika afër njëra-tjetrës pa kritere
![](https://gazetainfokus.com/wp-content/uploads/2023/06/96121687091576.jpg)
Autori: Gazeta inFokus
14:41 | 18 June 2023
Në Kosovë vazhdon të rritet numri ndërtimit të pompave të derivateve në vend e pa vend dhe në distancë të afërt me njëra-tjetrën.
Tregu i derivateve në vend është në rritje, pasi që në vendin tonë mungon ligji për të vendosur rregull për perimetrin ose distancën e pikave shitëse të derivateve.
Kjo ka bërë që kushdo që dëshiron mund të ndërtojë dhe hap një pompë të derivateve, përkundër që pak metra më larg është një tjetër pikë shitëse.
Kështu, ekipi i KosovaPress ka arritur të evidentojë mbi 50 pompa të derivateve që janë në funksion në dy drejtimet e rrugës Prishtinë-Pejë, ndërkaq ka edhe të tjera që janë në ndërtim e sipër.
Për këtë parregullësi, Ministria e Industrisë, Ndërmarrësisë dhe Tregtisë përgjegjëse bën komunat. Ndërkaq, Shoqata e Naftëtarëve vlerëson se një ligj si në Bashkimin Evropian që do ta rregullonte distancën mes popmave, është i nevojshëm për vendin.
Megjithatë, ish-ministri i Tregtisë dhe Industrisë, Ismet Mulaj paralajmëron se shumica prej këtyre pompave pas 1 janarit të vitit të ardhshëm nuk do të arrijnë të mbijtojnë se për shkak të liberalizimit të vizave do të ulet edhe kërkesa për derivate.
Nga Ministria e Industrisë, Ndërmarrësisë dhe Tregtisë në një përgjigje me shkrim për KosovaPress thonë se leja e ndërtimit dhe certifikata e përdorimit janë kompetencë e komunave për lokacionin e pikave shitëse të karburanteve.
“Sipas Ligjit për Tregtinë me produkte të naftës dhe karburanteve të ripërtërishme, përkatësisht U.A 15/2022, njëra ndër kriteret kryesore për t’u pajisur me leje për ushtrimin e veprimtarisë me produkte të naftës për pikat ekzistuese, është leja e ndërtimit – pëlqimi i lëshuar nga Komuna. (Ndërsa për pikat shitëse të ndërtuara pas hyrjes në fuqi të Udhëzimit Admistrativ (MINT) NR.15/2022 është certifikata e Përdorimit-Pranimi Teknik, referuar nenit 16 të UA, dispozitat kalimtare, pas afatit 24 muaj obligohen të gjitha pikat e karburanteve të posedojnë certifikatën e përdorimit). Leja e ndërtimit dhe certifikata e përdorimit janë kompetencë e komunave ku e kanë lokacionin pikat shitëse të karburanteve”, thuhet në një përgjigjje me shkrim nga MINT.
Kryetari i Shoqatës së Naftëtarëve, Fadil Berjani kërkon nga qeveria që sa më parë të marrë vendim për një ligj të ri që e cakton distancën mes pompave të derivateve.
Sipas tij, nuk ka nevojë të krijohen pika të tjera.
“Kërkesa ime ka qenë mos të lejohen të ndërtohen pika të karburantit, sepse jemi shteti më i vogël në botë me më së shumti pika të karburanteve. Imazh i keq është për Kosovën sa pika të karburantit ka në Kosovë. Kërkoj nga qeveria që të merr vendim sa më parë, mos të lejohet të ndërtohen pika të karburantit…000:39 Deri më tani nuk është e rregulluar me ligj, por kam kërkuar që largësia të jetë sipas standardeve të BE-së…Është shqetësuese dhe e dhimbshme çfarë investime janë duke u bërë nëpër pika të karburantit çdo hap, çdo vend po hapen brenda natës e ditës…2:48 Pika të reja nuk ka nevojë të ndërtohen, nuk jam kundër kësaj, por le të jetë distanca e rregulluar”, thotë Berjani.
Ndërkaq, sa i përket çmimevetë ndryshmeve nëpër pompa, Berjani shprehet se kjo ështësipas Kushtetutës për tregti të lirë,duke shtuar seKosovaështëtreg i lirëdhe liberaldhegjithsesiseçmimet duhet të jenë tëndryshme.
Ish-ministri,Mulajthotë se distanca duhet të jetë e rregulluar si në Bashkimin Evropian.
I njëjti, derisa bën thirrrje të mos ndërtohen pika të reja, thotë për KosovaPress se pas liberalizimiit të vizave do të ulet edhe konsumi i derivateve.
“Në Kosovë nuk është e rregulluar me ligj se sa duhet të jetëlarg pompa prej pompës, ndërsa në vendet e BE-së kjo praktikë është e rregulluar. Në rrugë magjistrale dhe autostradat kombëtare mesatarja e largësisë është 10 km, në Kosovë kjo nuk është e përcaktuar dhe në mënyrë individuale sipas kushteve që i kërkojnë komunat e ndryshme ngrit biznesin e vet, në këtë radhë edhe pompën e benzinës. Mirëpo, nuk është në interes të Kosovës të ketë kaq shumë pompa, por biznesi në një mënyrë e ka marrë këtë rrisk përsipër duke ndërtuar pompa të karburantit afër njëra-tjetrës dhe duke i krijuar konkurrencë njëra tjetrës në mënyrë jo të drejtë… Dhe nëse ndonjëherë krijohet rregull në tregtimin e karburanteve, shumica prej këtyre pompave nuk do të mbijetojnë tregut të lirë dhe do të falimentojnë për shkak se janë shumë afër njëra-tjetrës dhe nuk pres që të rritet kapaciteti konsumues në këtë drejtim, por do të zvogëlohet për shkak se edhe liberalizimi i vizave do të kemi shumë më pak konsum se prodhim në Kosovë, shitje”, thotë ai.
Mulaj derisa tregon sa do të duhej të ishte diistanca, thotë se nevojitet një diskutim bashkë me pronarët e pompave dhe ekspertë të ndryshëm që të gjendej një zgjidhje e përbashkët për të gjithë.
“Do duhej të hapej një diskutim bashkë me pronarët e pompave dhe ekspertë të ndryshëm me qëllim që të arrihej tek një zgjidhje dhe të krijojnë një rregull për ndërtimin e pompave të reja, sepse pavarësisht se ka shumë, janë nëndërtim ende…4:35 Në qytet do duhej të ishte në 4 km largësia nga njëra tjetra, ndërsa në rrugë magjistrale apo nacionale 7 deri në 10 km largësia prej njëra tjetrës, ashtu sic është praktika në BE”, shton mes tjerash Mulaj.
Sipas Shoqatës së Naftëtarëve në vendin tonë operojnë mbi 750 pompa të derivateve.
![](https://gazetainfokus.com/wp-content/uploads/2024/07/Screenshot_7-3.jpg)
Të tjera
-
Plagoset një burrë me armë gjuetie në Vushtrri, dërgohet në QKUK
Një burrë është arrestuar në Sllakoc të Vushtrrisë, i cili dyshohet se plagos...
-
7 vjet nga votimi i Qeverisë Haradinaj
Sot mbushen shtatë vjet kur tashmë ish-legjislatura e gjashtë e Kuvendit të K...
-
Trajkoviq: Vuçiq nuk heq dorë lehtë nga strukturat mafioze si Radoiçiq e Veselinoviq, i shërbejnë projekteve të tij personale
Në një situatë ku po vijnë shantazhe nga të gjitha anët, strategji e presiden...
-
Dronët rusë shkelin hapësirën ajrore të Rumanisë dhe Letonisë
Dy shtete, anëtare të NATO-s, thanë të dielën se dronët rusë shkelën hapësirë...
-
Këto janë vendet me rritjen më të lartë ekonomike në BE
Ekonomia e eurozonës dhe Bashkimit Evropian u rritën vetëm në mënyrë modeste ...
-
Disa të vdekur e të lënduar pas tri aksidenteve me aeroplanë të vegjël në Gjermani
Tre persona në Gjermani vdiqën në dy aksidente të veçanta avioni në shtetin e...
-
“SHOTA” fiton çmimin kryesor në Festivalin Ndërkombëtar të Folklorit në Spanjë
Ansambli Kombëtar “SHOTA” ka fituar çmimin kryesor në Festivalin Ndërkombëtar...
-
Zgjedhjet e nëntorit në SHBA! Garë e ngushtë mes republikanit Trump dhe demokrates Harris, ja çfarë tregon sondazhi i fundit
Në Shtetet e Bashkuara, kandidati republikan për president Donald Trump dhe r...
-
Moti sot, me diell dhe vranësira të shpërndara
Mbi vendin tonë sot do të mbajë mot me diell dhe vranësira të shpërndara. Vra...
-
Sot mblidhet Kryesia e Kuvendit, ky është rendi i ditës
Sot do të mblidhet kryesia e kuvendit, ku në rend dite janë katër pika. Në...
-
Eurodeputeti austriak: Vetëm me ndryshimin e rrethanave politike në BE është i mundur një kompromis për Kosovën
Shefi i delegacionit të Partisë së Lirisë së Austrisë (FPO) në Parlamentin Ev...
-
Vera merr fund përfundimisht, ulje drastike e temperaturave dhe përmbytje, borë në zonat malore
Pas temperaturave jashtëzakonisht të larta që kanë mbretëruar pothuajse gjatë...