Lajme

Lufta në Ukrainë mund të rrisë urinë në botë

Autori: Gazeta inFokus 10:51 | 08 March 2022

Kreu i Programit Botëror të Ushqimit, David Beasley, paralajmëroi se konflikti në Ukrainë mund t’i rrisë çmimet globale të ushqimit dhe të ketë ndikim katastrofik për më të varfrit në botë.

Ukraina dhe Rusia janë dy eksportuese kryesore të produkteve ushqimore bazë dhe lufta tashmë ka goditur prodhimin.

Beasley tha se situata rrezikon të shkaktojë uri në mesin e më shumë njerëzve.

-Advertisement-

“Vetëm kur mendon se ferri në tokë nuk mund të bëhet më keq, ai bëhet”, tha Beasley.

Rusia dhe Ukraina eksportojnë rreth një të katërtën e grurit në botë dhe gjysmën e produkteve të lulediellit, si farat dhe vaji. Ukraina gjithashtu shet shumë misë, raporton REL

Duke folur për BBC-në, Beasley tha se numri i njerëzve që përballen me uri të mundshme në mbarë botën është rritur në katër vjetët e fundit nga 80 milionë në 276 milionë, për shkak të konflikteve, ndryshimeve klimatike dhe pandemisë së koronavirusit.

Ai tha se disa vende mund të preken veçanërisht nga kriza aktuale, për shkak të përqindjes së lartë të drithërave që importojnë nga rajoni i Detit të Zi.

Në këtë aspekt, ai përmendi Libanin, Jemenin, Sirinë dhe Tunizinë. “Është thjesht një ndryshim i pabesueshëm i realitetit”, tha ai. Rusia ka nisur pushtimin e Ukrainës më 24 shkurt. Perëndimi i ka vendosur disa sanksione të ashpra shtetit rus.

Subscribe në YouTube: GAZETA INFOKUSI
Etiketa:
Nëntori sjellë Magjinë në ETC
-Advertisement-

Të tjera

Fokusi

lajme