Sport

Lorik Cana me film autobiografik për jetën dhe karrierën

Autori: Gazeta inFokus 16:40 | 27 November 2018

Jeta dhe karriera e Lorik Canës tashmë vjen si film autobiografik për publikun shqiptar. Lajmin e ka dhënë ish-kapiteni i Shqipërisë në një postim në “Instagram”, ku zbulon se filmi do të jepet në kinema, në datën 5 dhjetor.

“Ky është posteri zyrtar i filmit ‘Lorik’, një film i realizuar me shumë dashuri mbi rrugëtimin tim, nga miku im Andi Deçka që më bindi para 2 vitesh rreth këtij projekti… Nuk ka qenë e lehtë, por besoj ia ke dalë Andi me gjithë partnerët që të kanë mbështetur. Transmetimi i parë, 5 dhjetor!”, shkruante ai.

“LORIK” filmi dokumentar, që mban emrin e tij, do të jetë një histori e treguar nga ai dhe njerëzit më të afërt, që do të rrëfejnë sekrete për karrierën dhe jetën private të kapitenit Cana.

-Advertisement-

Dihet që një prej futbollistëve më të mirë në historinë e futbollit shqiptar, Lorik Cana, ka shumëçka për të treguar. Dhe, dritëhijet mbi jetën dhe karrierën e tij po vijnë në filmin dokumentar të realizuar nga Andi Deçka.

Prej futbollistëve në dokumentar marrin pjesë Djibril Sise, sulmuesi i njohur francez që ka luajtur me Lorik Canën dhe ish-futbollisti George Haxhi e Pape Diouf.

Por në dokumentar marrin pjesë edhe familjarët e një prej personaliteteve më të shquara, pikërisht babai i tij, Agim Cana që ka ndikuar shumë në karrierën e të birit, si dhe bashkëshortja italiane, Monika Cana. Pritet që Monica, nëna e një djali nga martesa me Lorikun, të rrëfejë pikët e forta dhe të dobëta të Lorikut si burrë dhe familjar.

Muzika është punuar nga Shkëlzen Doli dhe Endri Sina, ndërkohë që pasi ka përfunduar filmi, Loriku është shprehur shumë entuziast. Ky dokumentar realizohet në 35- vjetorin e tij, pasi ka lënë karrierën futbollistike dhe është vendosur të jetojë familjarisht në Tiranë.

Subscribe në YouTube: GAZETA INFOKUSI