Lojërat për Qeverinë e Kosovës, kjo është prapavija e protestave të opozitës
Autori: Gazeta inFokus 10:04 | 26 April 2021
Albin Kurti ka vetëm dy muaj që është në krye të Qeverisë. Por, kjo ka mjaftuar që partitë opozitare të aktivizohen kundër Qeverisë së Kosovës.
Çdo vendim që merret nga Qeveria, bie në kundërshtim me opozitën. Madje, kohëve të fundit dy partitë politike, Partia Demokratike e Kosovës dhe Aleanca për Ardhmërinë e Kosovës kane paralajmëruar protesta.
Por, këto kundërshtime dhe paralajmërime nga opozita po shihen si prapavijë për zgjedhjet lokale.
Këto zgjedhje priten të mbahen në muajin tetor. Por, ekspertët shprehen se kjo është një mënyrë e opozitës që të fitojnë sa më shumë komuna, derisa shtojnë se opozita po krijon situata që në sy të qytetarëve të bie besimi i Qeverisë Kurti.
“Vdekje klinike” për opozitën?
Njohësi i çështjeve politike, Hidajet Ahmeti, në një prononcim për “Bota sot”, ka thënë se opozita po krijojnë situata të paqena, për të humbur besimin në opinionin publik të Qeverisë së Kosovës.
“Partitë opozitare po krijojnë situata të paqena për të humbur besimin në opinionin publik të Qeverisë Kurti. Por, nuk mund të kërkohet aq shumë nga një qeverisje sapo ka filluar mandatin, pasi problemet në shtetin e Kosovës janë akumuluar për rreth dy dekada”, ka thënë ai për “Bota sot”.
Gjithashtu, Ahmeti ka deklaruar se loja e opozitës po zhvillohet në kontekstin e zgjedhjeve lokale, të cilat pritet të mbahen këtë vit.
“Krejt kjo lojë opozitarë është duku u zhvilluar në kontekstin e zgjedhjeve lokale të cilat pritet të mbahen në këtë vit. Partitë opozitare nuk e kanë komoditetin të heshtin edhe aty ku duhet, pasi nuk duan që rezultati i zgjedhjeve të 14 shkurtit të përkthehet në këtë rezultat në zgjedhjet lokale. Përkthimi i këtij rezultati në zgjedhjet lokale do të ishte një “vdekje klinike” për të gjitha partitë opozitare. Prandaj, nuk i konsideroj serioze as të sinqerta frazat boshe të partive opozitare, të cilat kanë keq qeverisur me vendin dhe kanë instaluar krimin, korrupsionin, nepotizmin e klientelizmin”, ka deklaruar Hidajet Ahmeti për “Bota sot”.
Protestat e opozitës gjatë pandemisë, Bytyçi: Kundër produktive
Ndërkaq, opinionisti Adem Bytyçi, në një bashkëbisedim për “Bota sot”, është shprehur kundër mbajtjes së zgjedhjeve në pandemi.
“Protestat e tilla në kohë pandemie janë kundër produktive. Qeveria Kurti përkitazi me pensionet ka zbatuar një vendim të përkohshëm të qeverisë së mëparshme anti kushtetuese, me të cilin Qeveria e mëparshëm kishte rritur pensionet përkohësisht për shkak të pandemisë”, ka potencuar ai për “Bota sot”.
Edhe Bytyçi mendon se prapavija e protestave të opozitës janë zgjedhjet lokale.
Partitë e opozitës protestat kundër qeverisë aktuale i organizojnë në këtë periudhë me prapavijë politike, me qëllim që me rastin e mbajtjes së zgjedhjeve lokale të fitojnë sa më shumë përkrahjen e qytetarëve për t’i fituar zgjedhjet në më shumë komuna, mirëpo nuk besojë se një opsion i tillë do t’iu ndihmojë, sepse qytetarët e kanë kuptuar gjendjen e rëndë ekonomike në të cilën ndodhet vendi për shkak të Pandemisë”, ka vlerësuar Adem Bytyçi për gazetën “Bota sot”.
Mehmeti: PDK-së dhe AAK-së iu ka humbur rruga në oborr
Të njëjtin mendim sikurse parafolësi e ka Faton Mehmeti, analist politik, i cili thekson se një e gjë e tillë nuk pritet të ketë sukses.
“Natyrisht se ka të bëjë më zgjedhjet lokale, e për të cilat opozita, konkretisht PDK po lufton që mos të pësojë debaklin njësoj si me 14 shkurt. Qasja me të cilët PDK synon të përfitojë vota, nuk pritet t’i sjell sukses, përkundrazi vetëm e shpërfaq fytyrën e saj të vërtetë, fytyrën e mashtruesve”, ka cilësuar ai për “Bota sot”.
Po ashtu, Mehmeti ka shtuar se protestat në kohë pandemie tregojnë papërgjegjësi.
“Protestat e paralajmëruara nuk besoj se do të ndodhin, duke ditur se mbështetja për PDK dhe AAK është shumë e vogël, nuk besoj se kanë guxim ta bëjnë një gjë të tillë, por nëse ndodh do e kuptojnë se mbështetja për to vetëm sa ka rënë. Protestat në kohë pandemie tregojnë papërgjegjësi, e të cilat e rrezikojnë edhe jetën e qytetarëve. PDK dhe AAK iu ka humb rruga në oborr, akoma janë të tensionuara nga debakli i 14 shkurtit”, ka përfunduar Faton Mehmeti për gazetën “Bota sot”.
Të tjera
-
Serbi: Raporti i KE-së për Kosovën shihet si gjest armiqësor
Miratimi i raportit që i hap rrugën Kosovës për anëtarësim në Këshilin e Evro...
-
Kroacia nis procedurat për njohjen e patentë shoferëve të Kosovës
Qeveria e Kroacisë ka nisur procedurat për njohjen e ndërsjellë të patentë sh...
-
Tenderi i dyshimtë 2 milionësh i Përparim Ramës për Prishtina Parking
Një tender i komunës së Prishtinës në vlerë mbi 2.5 milionë duket se ka ngjal...
-
Lajçak nga shtatori me post të ri
Përfaqësuesi i veçantë i Bashkimit Evropian për dialog Miroslav Lajçak do të ...
-
Hamza e sfidon Kurtin për t’u përballur: Kur të don, i garantoj debat të edukuar
I nominuari për kryeministër nga PDK, Bedri Hamza i ka bërë ftesë kryeministr...
-
Osmani kujton mas*akrën e Belegut: Qoftë i përhershëm kujtimi për gjithë të rënët për liri
Presidentja e Kosovës, Vjosa Osmani, ka kujtuar masakrën e Belegut në Deçan, ...
-
Ministri italian i Mbrojtjes mbërrin në Kosovë, ambasada jep detaje për agjendën e tij
Ministri italian i Mbrojtjes, Guido Crosetto, ka mbërritur në Aeroportin Ndër...
-
Kurti sot takohet me studentët romë, ashkali dhe egjiptianë
Kryeministri i Kosovës, Albin Kurti, sot do të takohet me disa nga studentët ...
-
“Tërhiqet” ushtria serbe nga Presheva
Artileri e madhe ushtarake serbe, është parë duke u larguar mbrëmë nga komuna...
-
Ministri i Mbrojtjes i Italisë vjen në Kosovë
Ministri italian i Mbrojtjes, Guido Crosetto, do të qëndrojë në Kosovë gjatë ...
-
Dy tërmete të njëpasnjëshme godasin Greqinë
Dy tërmete kanë goditur mëngjesin e ditës së premte Greqinë. Sipas mediave...
-
Sot mblidhet Kryesia e Kuvendit
Sot do të mbahet mbledhja e radhës e Kryesisë së Kuvendit. Në rend dite vo...