Lajme

Lojërat e fatit afër Shkollës, ATK ‘mbyllë sytë’! (FOTO)

Autori: Gazeta inFokus 11:19 | 02 May 2017

Në një distancë prej rreth 300 metrash larg Shkollës ‘Mihal Grameno’ në Fushë-Kosovë kanë vërshuar bizneset e lojërave të fatit, ndonëse kjo veprimtari është në kundërshtim të plotë me Ligjin për këto lojëra.

Portali ‘Infokusi’ ka siguruar disa foto ku shihen bizneset e ndryshme të lojërave të fatit (kazinotë, bastoret sportive), të cilat janë rreth 300 metra larg Shkollës Fillore ‘Mihal Grameno’ në Fushë-Kosovë.

Ligji për lojërat e fatit i Republikës së Kosovës, përkatësisht, neni 60 i këtij ligji në pikën 1.7 thotë se objekti i lojërave të fatit nuk guxon të gjendet në afërsi të drejtpërdrejtë, më së paku 1.5 km, të objekteve edukativo-arsimore, të institucioneve historike, fetare dhe të pronës komunale.

-Advertisement-

Por, pronarët e këtyre bizneseve vazhdimisht po e shkelin këtë Ligj, ndërsa Adminustrrata Tatimore e Kosovës (ATK) po i ‘mbyllë sytë’ karshi kësaj veprimtarie ilegale biznesore, duke mos i detyruar të mbyllen këto dyqane, apo të zhvendosen në distancën e përcaktuar me Ligj.

Banorët e zonës afër Shkollës ‘Mihal Grameno’ kanë thënë për portalin ‘Infokusi’ se shumë biznese të tilla të lojërave të fatit tashmë janë hapur në këto zonë. Madje ata bëjnë të ditur se frekuentues të këtyre bizneseve(bastoreve, kazinove) janë edhe të miturit! /INFOKUSI.COM