Lajme

Lladrovci uron: Gëzuar veteranë, vlerë e shtetit dhe kombit që nuk njohin disfata

Autori: Gazeta inFokus 16:22 | 30 December 2023

Kryeyari i komunës së Drenasit, Ramiz Lladrovci ka uruar Ditën e Veteranit, duke përkujtuar si ditë që me shumë bashkëluftëtarë ishte krah komandantit legjendar Adem Jasharit.

Është ditë për të shprehur nderimin tonë për veteranët e Ushtrisë Çlirimtare të Kosovës si vlerë e shtetit dhe kombit që nuk njohin disfata, ka deklaruar ai.

Postimi i Lladrovcit në fb:

-Advertisement-

Në Ditën e Veteranit, kujtojmë me nderim mbrojtjen e armatosur të familjes heroike Jashari nga sulmi i forcave okupatore serbe, më 1991.

Qëndresa dhe lavdia e asaj dite, na përkujton vendosmërinë e rrugës së filluar për çlirim, Ditën e Veteranit, ditë ku ishim përkrah Komandantit legjendar Adem Jasharit, me bashkëluftëtarët Shaban Shalën, Jakup Krasniqin, Elmi Zekën, Zeqir Bekollin, Gani Sylën, Idriz Hysenin, Imer Lladrovcin, Azem Sylën, Xheladin Gashin, Mehdi Bardhin, Maliq Vilakun, Sinan Gashin, Daut Zeqirin e Tetovës dhe shumë të tjerë nga Drenica dhe më gjerë, të gatshëm për organizimin e mëtejmë.

Është ditë për të shprehur nderimin tonë për veteranët e Ushtrisë Çlirimtare të Kosovës si vlerë e shtetit dhe kombit që nuk njohin disfata.

Në këtë ditë, urim i veçantë shkon për heronjtë e luftës e paqes, veteranët e UÇK-së, Hashimin, Kadriun, Jakupin, Rexhën me shokët tjerë që përballen me akuza të padrejta.

Veteranë, gëzuar kjo ditë e shënuar!

Lavdi Ushtrisë Çlirimtare të Kosovës!
Nderim i përjetshëm për heronjtë, dëshmorët dhe martirët e lirisë!

Subscribe në YouTube: GAZETA INFOKUSI
Etiketa:
Prince Caffe zgjeron shtrirjen në rajon, arrin marrëveshje bashkëpunimi me zinxhirin kroat Plodine
-Advertisement-

Të tjera

Fokusi

lajme