Lajme

Lladrovci ngushëllon familjen e Adem Gashit: I përhershëm është kujtimi për penën e artë të letrave shqipe!

Autori: Gazeta inFokus 11:02 | 16 Janar 2024

Me rastin e vdekjes së shkrimtarit të shquar Adem Gashit, kryetari i komunës së Drenasit, Ramiz Lladrovci ka ngushëlluar familjen e tij, duke cekur se “komuna jonë dhe kombi, humbi shkrimtarin e shquar, mendimtarin dhe atdhetarin Adem Gashi, i cili historinë tonë të re, ngjarjet me peshë për kombin, i përcolli me shkrime, analiza dhe krijime të cilat e bëjnë të paharrueshëm për kulturën, artin dhe botën e letrave shqipe”.

Adem Gashi, ishte kronikan që për mbi gjysmë shekulli trajtoi, përshkroi dhe promovoi me vëmendjen dhe përkushtimin e jashtëzakonshëm, ndjenjën, besimin, dashurinë dhe jetën tonë në prizmin e atdhetarizmit të kulluar me libra, me shkrime dhe paraqitjet me peshë për kulturën nacionale, ka shkruar Lladrovci.

Postimi i tij në fb:

-Advertisement-

Telegram ngushëllimi

E nderuara Familje Gashi,

Kalimin në amshim i më të dashurit Tuaj, mikut e shokut tonë, penës së artë të kombit, Adem Gashit, na tronditi pa masë. Në këto orë të rënda për Juve dhe për të gjithë neve që e kemi njohur, i bashkohemi dhimbjes së madhe.

Në emrin tim dhe komunës së Drenasit, Juve familje e nderuar, miq e dashamir të Ademit, ju shprehim ngushëllimet tona më të sinqerta.

Sot, komuna jonë dhe kombi, humbi shkrimtarin e shquar, mendimtarin dhe atdhetarin Adem Gashi, i cili historinë tonë të re, ngjarjet me peshë për kombin, i përcolli me shkrime, analiza dhe krijime të cilat e bëjnë të paharrueshëm për kulturën, artin dhe botën e letrave shqipe.

Adem Gashi, ishte kronikan që për mbi gjysmë shekulli trajtoi, përshkroi dhe promovoi me vëmendjen dhe përkushtimin e jashtëzakonshëm, ndjenjën, besimin, dashurinë dhe jetën tonë në prizmin e atdhetarizmit të kulluar me libra, me shkrime dhe paraqitjet me peshë për kulturën nacionale.

I përhershëm është kujtimi për penën e artë të letrave shqipe, Adem Gashin!

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy